"კობახიძე, გახარია, გომელაური უნდა გადადგნენ, არ მოვეშვებით ჩვენ ამას და კიდევ უფრო რადიკალური გახდება მოთხოვნები"

"კობახიძე, გახარია, გომელაური უნდა გადადგნენ, არ მოვეშვებით ჩვენ ამას და კიდევ უფრო რადიკალური გახდება მოთხოვნები" - ვაშაძე

პოლიტიკა - 16:01, 20 Jun, 2019

1020

გაერთიანებული ოპოზიციის ლიდერი, გრიგოლ ვაშაძე, რუსი დეპუტატის საქართველოში შემოყვანას და ხელისუფლების ქმედებებს აპროტესტებს.

გრიგოლ ვაშაძის განცხადებით, კობახიძე, გახარია და გომელაური აუცილებლად უნდა გადადგნენ. მისივე თქმით, ამ საკითხს ოპოზიცია არ მოეშვება და მოთხოვნები კიდევ უფრო რადიკალურ სახეს მიიღებს.
„ჩვენი მოთხოვნა იყო, რომ საქართველოს მოქალაქის უფლებები ყოფილიყო დაცული და ეს ვითომ ჩვენი სასახელო პოლიცია გავრილოვს და კობახიძეს იცავს ჩვენგან. სამსაათნახევარი საშვებით ვერ შევედი პარლამენტში, რომელიც ჩემი ჯიბიდან ამოღებული ფულით ინახება, როგორც ეს პოლიცია, ჩვენი ფულით ნაყიდი ფორმა აცვიათ და გვესვრიან, როგორც კი გახარია მისცემს ბრძანებას. ეს ის პოლიცია აღარ არის. გავრილოვი გადმოიყვანა საზღვარზე სასაზღვრო პოლიციამ, დაცვის პოლიცია მიამაგრეს, შემდეგ მოიყვანეს და კობახიძის სავარძელში ჩასვეს და ჩვენ არ გვიშვებენ პარლამენტში. გახარია უნდა გადადგეს, კობახიძე უნდა გადაგდეს, გომელაური უნდა გადადგეს. არ მოვეშვებით ჩვენ ამას და კიდევ უფრო რადიკალური გახდება მოთხოვნები“ - განაცხადა გრიგოლ ვაშაძემ.