"პრობლემა არ მოგვარდება სანამ ამ ქვეყანაში ოლიგარქია არ დაემხობა ამ ქვეყანაში, იმიტომ რომ ოლიგარქია იმართება რუსეთისგან"

"პრობლემა არ მოგვარდება სანამ ამ ქვეყანაში ოლიგარქია არ დაემხობა ამ ქვეყანაში, იმიტომ რომ ოლიგარქია იმართება რუსეთისგან" - ქარდავა

პოლიტიკა - 15:34, 20 Jun, 2019

811

გაერთიანებული ოპოზიციის წევრი, ეროვნულ დემოკრატიული პარტიის ლიდერი ბაჩუკი ქარდავა მთელი ერის შეურაცხყოფად აფასებს იმას რომ ოკუპანტი ქვეყნის წარმომადგენელი პარლამენტის თავმჯდომარის სკამში იჯდა. ქარდავას თქმით, იმ სირცხვილის გამო რაც პარლამენტის თავმჯდომარემ ქვეყანას მიაყენა ირაკლი კობახიძე უნდა გადადგეს. ედპ-ის ლიდერმა ბიძინა ივანიშვილის პასუხისმგებლობაზეც ისაუბრა და განაცხადა, რომ პრობლემის სათავე ქვეყანაში არსებული ოლიგარქიაა, რომელსაც რუსეთი მართავს და უმნიშვნელოვანესია, რომ ოლიგარქია დამარცხდეს:

„ბიძინა ივანიშვილი შეეცდება სირაქლემას პოზაში ჩადგეს და ხალხს უთხრას, რომ მან არ იცოდა, რა ხდებოდა საქართველოს პარლამენტში. ხალხო, ნუ დაუჯერებთ ამ ადამიანს. ის არის მატყუარა, მან რა თქმა უნდა, იცოდა და მან უპატაკა, დარწმუნებული ვარ თავის პატრონს პუტინს, იმის შესახებ, რომ პარლამენტში შეაღწია ოკუპანტი ქვეყნის დელეგაციამ და უფრო მეტიც, პარლამენტის თავმჯდომარის სკამზე წამოასკუპეს გავრილოვი, ეს არის დაცინვა იმ ადამიანებზე ვინც აფხაზეთში იბრძოდა, სულში ჩაფურთება მათთვის ვინც იცავდა საქართველოს მთლიანობას. პირველ რიგში უნდა შეწყდეს ეს ასამბლეა „მინიმუმ ის მაინც უნდა მოხერხდეს, რომ რუსულმა დელეგაციამ დატოვოს საქართველო გავრილოვის მეთაურობით და პარლამენტის თავმჯდომარემ, ნამუსი და სინდისი რომ ჰქონდეს, ახლა მის ადგილზე, პატიოსანი ადამიანი გადადგებოდა იმ სირცხვილის გამო, რა სირცხვილიც მან ჭამა, პარლამენტის თავმჯდომარე უნდა გადადგეს... გახარია, რომელმაც შემოუშვა ეს გავრილოვი ხომ ვიცით, რომ გახარია არის გავრილოვის და გავრილოვის პატრონების კაცი. ეს რუსეთიდან შემოტენილი შს მინისტრია, რომელიც ივანიშვილმა ჩამოათრია, მაგრამ არ მოგვარდება პრობლემა სანამ ამ ქვეყანაში ოლიგარქია არ დაემხობა ამ ქვეყანაში, იმიტომ რომ ოლიგარქია იმართება რუსეთისგან.““ - განაცხადა ქარდავამ.