"ქართული ოცნების" წევრმა თამარ ჩუგოშვილმა, რომელმაც რუსი დეპუტატის სერგეი გავრილოვის პარლამენტში ყოფნა გააპროტესტა, ზაქარია ქუცნაშვილმა უპასუხა.

"პოლიტიკოსს არ აქვს უფლება, იყოს სუსტი, მით უმეტეს, კაპიტულაციური პოზიცია ეჭიროს, რომ გავნადგურდი. ჩვენ კი არ უნდა გავნადგურდეთ, უნდა გავძლიერდეთ. ჩვენ უნდა ვიბრძოდეთ და არა იმის გამო, რომ სადღაც რუსს დავინახავთ, გავნადგურდეთ... მე არ ვიზიარებ ამ შეხედულებას, რომ ჩვენ იმის გამო, რომ სადმე რუსს თუ დავინახავთ, უნდა გავნადგურდეთ. ჩვენ უნდა დავიცვათ ჩვენი ეროვნული ინტერესი ყველა ფრონტზე და ყველა ეტაპზე" - აღნიშნა ზაქარია ქუცნაშვილმა.