ვერის პარკში ბიზნესმენი, ლევან ვასაძე მხარდამჭერებთან ერთად შეკრებას მართავს.

ვასაძე შინაგან საქმეთა სამინისტროს "თბილისი პრაიდის" მონაწილე პირების დაკავებისკენ მოუწოდებს, რადგან უწყების განჩინებას არ ემორჩილებიან.

"მოვუწოდებ შსს-ს, სასწრაფოდ დააპატიმრონ ექსტრემისტები, რადგან ისინი არ ემორჩილებიან შსს-ს განჩინებას და ახდენენ რადიკალიზაციას 200-300 კაცის მეშვეობით. ჩვენ გადაწყვიტეთ, გადაგვედგა კიდევ ერთი ნაბიჯი სახელმწიფოს მიმართულებით, რადგანაც მათ თქვეს, რომ „პრაიდი“ არ ჩატარდება, ჩვენ ვენდობით მას. გამოვაცხადეთ, რომ კომბლებს ვაწყობთ სხვენში, მივდივართ შიშველი ხელებით, დავშლით ნებისმიერ კორდონს და არ ჩავატარებინებთ არავითარ „პრაიდს“. მივალთ თეთრი ცხვირსახოცებით და შიშველი ხელებით. მზაობა არის სრული, უამრავი ხალხი გველოდება, ველოდებით ადგილს და დროს. დიდი იმედი გვაქვს, რომ ჩვენი სახელმწიფო ამას არ დაუშვებს. ჩვენი მისია, ჩვენი დანიშნულება არის, რომ ქვეყანაში არ დავუშვათ არეულობა. ყველა ადამიანს, რომელიც არის ჩვენი მომხრე, მოვუწოდებთ წესრიგისკენ. სახელმწიფო გადმოვიდა ხალხის მხარეს. შსს-მ თქვა, რომ „პრაიდი“ არ ჩატარდება და ვხედავთ, რომ ჩვენს სახელმწიფოზე არის ზეწოლა უცხოელი ელჩების და არასამთავრობოების მხრიდან, რომელსაც მნიშვნელობა არ აქვს. ჩვენი დანიშნულება არის, რომ უამრავი ხალხი აპირებს მისვლას, შეიძლება, მოხდეს დიდი არეულობა და ეს არ დავუშვათ. არ დავუშვებთ იმას, რომ ხალხი აქციოთ ბრბოდ, როგორც იყო თავიდანვე გეგმა. ამ მიზნით შევიკრიბეთ ჩვენ" - განაცხადა ბიზნესმენმა.