"სარალიძე დაწყნარდა და ივანიშვილმა შოთაძე დააბრუნა" - შალვა თადუმაძეს სავარაუდოდ, ყოფილი პროკურორის კადრი შეცვლის

პოლიტიკა - 15:30, 19 Jun, 2019

3919

ბიძინა ივანიშვილის პირადი ადვოკატი, გენერალური პროკურორი, შალვა თადუმაზე პოსტს ტოვებს. მის შემცვლელად კი ბაკურ აბულაძე სახელდება, რომელიც თადუმაძის წინამორბედის, ირაკლი შოთაძის პირადი კადრია.

ოპოზიციაში ამბობენ, რომ მთავარი საგამოძიებო უწყება ისევ ბიძინა ივანიშვილის და ფარცხალაძე-შოთაძის პირადი კონტროლის ქვეშ რჩება.

აბულაძე პროკურატურის გენერალური ინსპექციის მოქმედი უფროსია.

გავრცელებულ ინფორმაცია ადვოკატი ზაზა ხატიაშვილის მწვავე შეფასება მოჰყვა. ადვოკატთა ასოციაციის ყოფილი თაბმჯდომარე ამბობს, რომ "შოთაძის წასვლა ბლეფი იყო".

„ივანიშვილი გადავიდა - მე მახსენდება ჩაუშესკუს რეჟიმის ბოლო წლები. მთლიანად აკომპლექტებს ყველა მისთვის საჭირო სამინიტროს და ერთ-ერთ ყველაზე მნიშვნელოვან უწყებას, პროკურატურას თავისი ხალხით.

შოთაძის გაშვება ბლეფი იყო და ისევ შოთაძე დააბრუნა, როცა ეს ჩაწყნარდა. ხომ ხედავთ სარალიძე დაწყნარდა და ისევ ბრუნდება შოთაძის კადრები. შოთაძე არსად წასულა, შოთაძე გააგრძელებს თავის ხალხთან ერთად პროკურატურის მართვას და რა ჭაობშიც იყო პროკურატურა იმ ჭაობში დარჩა,“ - ამბობს ზაზა ხატიაშვილი.