სახალხო დამცვალი ამბობს, რომ იქნება ყველგან, სადაც საფრთხე შეექმნაბა შეკრებისა და გამოხატვის თავისუფლებას. შესაბამისი განცხადება ნინო ლომჯარიამ მას შემდეგ გააკეთა რაც ჟურნალისტებმა კითხეს იქნება თუ არა ლგბტ თემის მიერ მიმდინარე კვირაში დაგეგმილ მსვლელობაზე.

ვიქნები ყველგან, სადაც შეექმნება საფრთხე ამ ქვეყანაში შეკრებისა და გამოხატვის თავისუფლებას. ჩემთვის ცნობილი არ არის, სად იმართება, რა ფორმით და როგორი ფორმით, თუმცა ვიქნები ყველგან, სადაც იქნება საჭირო ადამიანის უფლებების დაცვა“, - განაცხადა ნინო ლომჯარიამ.

ომბუდსმენი აღნიშნავს გამოხატვის თავისუფლება ყველას აქვს, თუმცა ის უნდა იყოს მშვიდობიანი.

„ყველას აქვს გამოხატვის შესაძლებლობა და უფლება. მარშსაც აქვს ამისი უფლება და სხვა ადამიანებსაც, ოღონდ გამოხატვა უნდა იყოს მშვიდობიანი და გამოხატვა არ არის გამოხატვა, თუკი მისი მიზანია, დაარბიონ მშვიდობიანი მოქალაქეები და მათი, ასე ვთქვათ, უფლებები შეზღუდონ. ეს აღარ არის გამოხატვა, ეს არის უკვე კრიმინალი და კრიმინალს იმედია, შსს გასცემს შესაბამის პასუხს“, – - განაცხადა სახალხო დამცველმა.