პოლიტიკური მოძრაობა "გამარჯვებული საქართველოს" დამფუძნებელმი, ირაკლი ოქრუაშვილი ლევან ვასაძის ძალადობრივ განცხადებებს ეხმაურება.

მისი თქმით, დგას ამოცანა, დარჩება თუ არა საქართველო ცივილიზებული სახელმწიფოს ნაწილად.

"ჩვენ წინაშე დგას ამოცანა, დარჩება თუ არა საქართველო ცივილიზებული სახელმწიფოს ნაწილად, თუ ჩვენ აღმოვჩნდებით ბნელ გვირაბში, რომლის ბოლოში სინათლე არ ჩანს. მოვუწოდებთ ხელისუფლებას, არ დაუშვას პროცესების კონსტიტუციური ჩარჩოებიდან გასვლა, დაიცვას სახელმწიფოს და სახელწიფო ინსტიტუტების ინტერესები და ამ ინსტიტუციებმა დაიბრუნონ ერთი ადამიანის მიერ შუშის სასახლიდან წართმეული ძალაუფლება.

ასევე მივმართავთ თითოეულ პოლიციელს, დაიცვან სახელმწიფოს ინტერესი, მათი მუნდირის ღირსება, რათა ცალკეულმა ჯგუფებმა არ შეძლონ სახელმწიფოს დაკნინება და მათი მხრიდან სახელმწიფოს ინტერესების ხელში აღება"- განაცხადა ოქრუაშვილმა.