ხელისუფლება, რომელიც მასპინძლობს გავრილოვს, ეთანხმება, რომ შემდგარი ფაქტია აფხაზეთისა და სამხრეთ ოსეთის დამოუკიდებლობა

ხელისუფლება, რომელიც მასპინძლობს გავრილოვს, ეთანხმება, რომ შემდგარი ფაქტია აფხაზეთისა და სამხრეთ ოსეთის დამოუკიდებლობა - სამადაშვილი

პოლიტიკა - 16:51, 18 Jun, 2019

1224

მართლმადიდებელ დეპუტატთა ასამბლეის ფარგლებში რუსი დეპუტატების საქართველოში ვიზიტს ოპოზიციის წარმომადგენლები ეხმაურებიან. „ნაციონალური მოძრაობის“ ერთ-ერთი ლიდერი სალომე სამადაშვილი მიიჩნევს, რომ ხელისუფლება გავრილოვის მასპინძლობით ადასტურებს იმას, რომ ეთანხმება რუსეთის დუმის დეპუტატის განცხადებებს იმასთან დაკავშირებით, რომ საქრათველო და საერთაშორისო საზოგადოება აფხაზეთისა და სამხრეთ ოსეთის დამოუკიდებლობას უნდა შეეგუოს:

„ის ხელისუფლება, რომელიც მასპინძლობს ბატონ გავრილოვს, როგორც ჩანს ეთანხმება გავრილოვის შეხედულებას, რომ შემდგარი ფაქტია აფხაზეთისა და სამხრეთ ოსეთის დამოუკიდებლობა და როგორც ჩანს, იზიარებს შეხედულებას, რომ ამას უნდა შეეგუოს საერთაშორისო თანამეგობრობაც და ჩვენი საზოგადოებაც.

ჯობს ეს ღიად განაცხადონ და რიად დააფიქსირონ ჩვენს მოქალაქეებთან საკუთარი პოზიცია, რადგან ქართველ ხალხს მიეცეს შესაძლებლობა თავად განსაჯოს, სურს თუ არა ხელისუფლება რომელიც იზიარებს რუსეთის, პუტინისა და გავრილოვის შეხედულებებს ამ საკითხზე.“ - განაცხადა სალომე სამადაშვილმა.