"ეს ემთხვევა სხვა მოვლენებს, რომელიც დღეს ხდება"- ბოკერია ანტიქართული განწყობით ცნობილი რუსი დეპუტატის საქართველოში ვიზიტზე

პოლიტიკა - 16:45, 18 Jun, 2019

1089

მართლმადიდებელ დეპუტატთა ასამბლეის ფარგლებში რუსი დეპუტატების საქართველოში ვიზიტს ოპოზიციის წარმომადგენლები ეხმაურებიან. „ევროპული საქართველოს“ ლიდერის გიგა ბოკერიას თქმით, გავრილოვი და სხვა დეპუტატები საქართველოში ჩამოდიან ისეთი კლიმატის შესაქმნელად, თითქოს ოკუპირებული რეგიონების დამოუკიდებლობა ნორმალური მოვლენაა:

„რატომ შეიძლება სუვერენულმა ქვეყანამ არ განიხილოს საკუთარ ქვეყანაში არ შემოშვება ადამიანის ვისაც საკუთარ ბიოგრაფიაში უწერია, რომ აფხაზეთის ომში რუსულ მხარესთან ერთად იბრძოდა ჩვენს წინააღმდეგ იმ ომში,რომელსაც მოჰყვა ეთნიკური წმენდა და ათასი უბედურება. რა სისულელე და სიბრიყვე არის გაეროს ანალოგიის მოყვანა, რა გაეროს სხდომა ტარდება თბილისში?-რა სისულელეა. ეს არის სუვერენული უფლება, არანაირი ახსნაც კი არ სჭირდება სამართლებრივი თვალსაზრისით, პოლიტიკურად კი სჭირდება. ვის შემოუშვებს საქართველოს მის ტერიტორიაზე და ვის არა, ეს არის საქართველოს გადასაწყვეტია. რა თქმა უნდა, ეს უფლება არ უნდა გამოიყენო უაზროდ, მაგრამ უაზრობაა იმ კაცის არ შემოშვება იმ შენ ტერიტორიაზე, რომელიც შენი ქვეყნის წინააღმდეგ იბრძოდა იარაღით ხელში? ახლა სიტყვით და პოლიტიკურად აგრძელებს ამ ბრძოლას? მაგისთვის ჩამოდიან, რომ კლიმატი შექმნან, რომ ეს არის ნორმალური ამბავი მინიმუმ ან რომ რაღაც მორალური უპირატესობა აქვთ. ეს ძალიან კარგად ემთხვევა სხვა მოვლენებს, რომელიც დღეს ხდება და ჩვენ გვყავს ხელისუფლება, რომელსაც უკეთეს შემთხვევაში ეს არ ესმის ან უარეს შემთხვევაში - ესმის და ამას აკეთებს.“- განაცხადა გიგა ბოკერიამ.