"მე ვარ რაინდი! კობმალს პოლიციის მიმართ გამოვიყენებთ თუ პოლიცია ქართველ ხალხზე აღმართავს ხელს"- ვასაძის ლეგიონერი

პოლიტიკა - 15:28, 18 Jun, 2019

1149

ლევან ვასაძე და მისი ლეგიონერები ლგბტ თემის უფლებადამცველების წინააღმდეგ ბრძოლის გაგრძელებას აპირებენ.

ლევან ვასაძის დაჯგუფების ერთ-ერთი წევრი, ადვოკატთა ასოციაციის წევრი, ადვოკატი დავით ცინცქილაძე სამართალდამცავების მისამართით მორიგ მუქარას ახმოვანებს.

მისი თქმით, პოლიციის მიმართ კომბალს იმ შემთხვევაში გამოიყენებენ, თუ წესრიგის დაცვას ვერ მოახერხებენ.

„პოლიციის კორდონები გაირღვევა მხოლოდ იმ შემთხვევაში თუ პოლიციამ ამგვარი უზნეოების, გარყვნილების, მამათმავლების, ლესბოსელების, მამაძაღლების და უკუღმართების მიტინგის, აქციის, პარადის და მსგავსი სახის აქციის ჩატარებას შეეცდება, ჩვენს სამშობლოში, ღვთისმშობლის წილხვედრ ქვეყანაში. პოლიციის მიმართ გამოვიყენებთ იმ შემთხვევაში კომბალს თუ პოლიცია ქართველ ხალხზე აღმართავს ხელს. ლეგიტიმაცია მოგვცა ქართველმა ხალხმა, ქართველი ხალხი ვართ ჩვენ. მე მინდა შს მინისტრის მოადგილეს, ნათია მეზვრიშვილს ვუთხრა, რომ მე ვარ რაინდი და მე ისინი თუ არ დაიცავენ ქვეყანაში წესრიგს, მე, როგორც უფლებადამცველი დავით ცინცქილაძე, ვიქნები ერთ-ერთი, ვინც დაიცავს საქართველოში წესრიგს იმის გამო, რომ არ მოხდეს ამ სიბინძურის, ამ გარყვნილების პროპაგანდირება,“ - განაცხადა დავით ცინცქილაძემ.