საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის თანამდებობაზე 42 წლის ეკატერინე ტიკარაძე დაინიშნა.

განცხადება ცოტა ხნის წინ მთავრობის მეთაურმა გააკეთა.

ტიკარაძე ამ დრომდე, საჩხერის სამედიცინო ცენტრის დირექტორის პოსტს იკავებდა.

2015 წელს იგი არა მხოლოდ საჩხერის საავადმყოფოს, არამედ მთლიანად არასამეწარმეო არაიურიდიული პირი „დოსტაქარის“ აღმასრულებელი დირექტორი გახდა. კავშირი კლინიკის გარდა მოიცავს ამავე ტერიტორიაზე მდებარე სასტუმრო „მედიჰაუსს“, რომელიც რეზიდენტებისა და საავადმყოფოში მომუშავე მედპერსონალისთვის არის განკუთვნილი და ასევე ურეკის ემერჯენსს.