"დიპკორპუსმა, ჩვენმა მოკავშირეებმა უნდა დაიწყონ ზეწოლა ამ ე.წ ხელისუფლებაზე რომ მათ ვალდებულებები შეასრულებინონ"

"დიპკორპუსმა, ჩვენმა მოკავშირეებმა უნდა დაიწყონ ზეწოლა ამ ე.წ ხელისუფლებაზე რომ მათ ვალდებულებები შეასრულებინონ" - გრიგოლ ვაშაძე

პოლიტიკა - 11:29, 18 Jun, 2019

952

20 ოპოზიციური პარტიის ლიდერი საქართველოში აკრედიტებული დიპლომატიური კორპუსის წარმომადგენლებს ხვდებიან. შეხვედრა პარლამენტში იმართება და მისი თემა ოპოზიციური პარტიების მიერ 300 ათასი ხელმოწერით ინიცირებული საკონსტიტუციო ცვლილებაა, რომელიც 2020 წლის საპარლამენტო არჩევნებისთვის მაჟორიტარული სისტემის გაუქმებას და სრულად პროპორციულ სისტემაზე გადასვლას ითვალისწინებს. გაეთიანებული ოპოზიციის ლიდერის გრიგოლ ვაშაძის თქმთ, შეხვედრის მიზანია, რომ დიპკორპუსს კიდევ ერთხელ მიეწოდოს ინფორმაცია იმ მდგომარეობაზე რაც საქართველოშია და მოხდეს საერთაშორისო საზოგადოების მხრიდან ზეწოლა საქართველოს ხელისუფლებაზე, რათა მათ ნაკისრი ვალდებულებები შეასრულონ:

„250 ათასზე მეტი ხელმოწერაა შეგროვებული იმისათვის, რომ საქართველო როგორც იქნა გადავიდეს ნორმალურ საარჩევნო სისტემაზე. კორუფციის, ნეპოტიზმის და საკუთარი ბიზნესინტერესების დაცვის გარდა ე.წ მაჟორიტარებს პარლამენტში არ შემოაქვთ, ჯერ პარლამენტის ხარისხს დაუკვირდით მთლიანად და მერე როცა ის გაძეძგილია ე.წ მაჟორიტარებით, ჩვენი მთავარი ამოცანაა, რომ ვაიძულოთ ხელისუფლება გადავიდეს პროპორციულ საარჩევნო სისტემაზე. ზუსტად ამიტომ გვინდა რომ დიპკორპუსმა, ჩვენმა მოკავშირეებმა და ჩვენი მოკავშირეების დედაქალაქებმა დაიწყონ ზეწოლა ამ ე.წ ხელისუფლებაზე, რომელიც არაფრის გამკეთებელი არაა. დაიწყონ ზეწოლა იმისათვის, რომ მათ ვალდებულებები შეასრულებინონ ე.წ ქართულ ოცნებას, რომელიც არის ეუთოს დასკვნაში და ასოცირების შეთანხმებაში.“- განაცხადა გრიგოლ ვაშაძემ.