20 ოპოზიციური პარტიის ლიდერი საქართველოში აკრედიტებული დიპლომატიური კორპუსის წარმომადგენლებს შეხვდა. შეხვედრა პარლამენტში გაიმართა და მისი თემა ოპოზიციური პარტიების მიერ 300 ათასი ხელმოწერით ინიცირებული საკონსტიტუციო ცვლილებაა, რომელიც 2020 წლის საპარლამენტო არჩევნებისთვის მაჟორიტარული სისტემის გაუქმებას და სრულად პროპორციულ სისტემაზე გადასვლას ითვალისწინებს.

"ევროპული საქართველოს" ერთ-ერთი ლიდერის გიგი უგულავას თქმით, ბიძინა ივანიშვილს არ უნდა ჰქონდეს საშუალება კიდევ, 4 წელი მოიპაროს მოსახლეობის ხმები.

"ჩვენ „ქართული ოცნებიდან“ არ მოგვისმენია არცერთი არგუმენტი თუ ქვეყნისთვის რაიმე სიკეთე არის 2024 წელს რატომ არის ეს ბოროტება 2020 წელს ამას ჩვენ ვერც მოვისმენთ ერთი მარტივი მიზეზის გამო, იმიტომ რომ არგუმენტი არ არსებობს. არგუმენტი არის ივანიშვილის თავხედობა, რომ კიდევ 4 წელი მომაპარინეთ და კიდევ მოვიპარავ ხმებს, დავნიშნავ მოსამართლეებს და გავაკეთებ იმას რაც მე მინდა. ეს არის ახირებული ადამიანის არგუმენტი. ჩვენ მათგან განხვავებით, ვიცავთ კონსიტუტიას და მის ძირითად დებულებაში წერია, პარლამენტის 150 კაციანი შემადგენლობა, ირჩევა პროპორციული წესით წერილი! დანარჩენი ყველაფერი არის მანიპულაცია, 300 000 ხმა შეგროვდა და ჩვენ სამართლებრივ ქმედებებს მივყვებით, მაგრამ ამავე დროს, ყველა ოპოზიციის წარმომადგენელმა, უნდა გამოვიყენოთ იმისთვის, რომ უკან დახევა, და ამაზე არ დათანხმება და კონსტიტუციის აბუჩად აგდება ხელისუფლებას და ივანიშვილს დაუჯდეს ძვირი" - აღნიშნა გიგი უგულავამ.