"თავი და თავი ყველაფრისა არის მახინჯი საარჩევნო სისტემა, რაც უკვე წლებია აღრჩობს საქართველოს საარჩევნო გარემოს"

"თავი და თავი ყველაფრისა არის მახინჯი საარჩევნო სისტემა, რაც უკვე წლებია აღრჩობს საქართველოს საარჩევნო გარემოს" - მამუკა კაციტაძე

პოლიტიკა - 11:21, 18 Jun, 2019

918

20 ოპოზიციური პარტიის ლიდერი საქართველოში აკრედიტებული დიპლომატიური კორპუსის წარმომადგენლებს ხვდებიან. შეხვედრა პარლამენტში იმართება და მისი თემა ოპოზიციური პარტიების მიერ 300 ათასი ხელმოწერით ინიცირებული საკონსტიტუციო ცვლილებაა, რომელიც 2020 წლის საპარლამენტო არჩევნებისთვის მაჟორიტარული სისტემის გაუქმებას და სრულად პროპორციულ სისტემაზე გადასვლას ითვალისწინებს. „ახალი მემარჯვენეების“ ერთ-ერთი ლიდერის მამუკა კაციტაძის თქმით, გარდა იმისა, რომ კონსოლიდირებული ძალისხმევაა ამ თემასთან დაკავშირებით პოლიტიკურ და საზოგადოებრივ სპექტრში შედეგის მისაღწევად მნიშვნელოვანია საერთაშორისო საზოგადოების თანადგომაც:

„ის არაც შემოგვთავაზა ხელისუფლებამ რომ მეორე და მეათეხარისხოვან საკითხებზე შექმნა სამუშაო ჯგუფი საარჩევნო გარემოს გასაუმჯობესებლად, ეს საარჩევნო გარემოს მთავარ პრობლემას ვერ აღმოფხვრის , გასაგებია რომ საარჩევნო ადმინისტრაციის დაფინანსების საკითხები არის მნიშვნელოვანი და შესაცვლელი, მაგრამ თავი და თავი ყველაფრისა არის საარჩევნო სისტემა, ეს სიმახინჯე რაც უკვე წლებია აღრჩობს საქართველოს საარჩევნო გარემოს. დღეს ჩვენ ვხვდებით საელჩოების წარმომადგენლებს სართაშორისო საზოგადოებას, მე პირადად მიმაჩნია, რომ რაც არ უნდა კონსოლიდირებული ძალისხმევა იყოს პოლიტიკური და საზოგადოებრივი სპექტრისა, თუ არ იქნა თანადგომა საერთაშორისო საზოგადოებისა ამ თუ სხვა საკითხთან დაკავშირებით, შედეგი ვერ დადგება.“- განაცხადა მამუკა კაციტაძემ.