"იუსტიციის უმაღლესი საბჭოს წევრებს უზენაესი სასამართლოს მოსამართლეობის კანდიდატების შესახებ ინფორმაცია დაგვიმალეს"

"იუსტიციის უმაღლესი საბჭოს წევრებს უზენაესი სასამართლოს მოსამართლეობის კანდიდატების შესახებ ინფორმაცია დაგვიმალეს" - მესამე სექტორი

პოლიტიკა - 09:56, 18 Jun, 2019

544

მესამე სექტორი იუსტიციის უმაღლესი საბჭოს წევრებს უზენაესი სასამართლოს მოსამართლეობის კანდიდატების შესახებ ინფორმაციის დამალვაში ადანაშაულებს.

მათი თქმით, საბჭოს წევრებმა ინფორმაცია მიზანმიმართულად დამალეს, რითაც ზოგადი ადმინისტრაციული კოდექსისა და საერთო სასამართლოების შესახებ კანონები დაარღვიეს.

მათი განცხადებით, უზენაესი სასამართლოს მოსამართლეთა კანდიდატების შესახებ ინფორმაცია, კანონმდებლობის თანახმად საჯარო უნდა იყოს, რათა პროცესი გამჭვირვალედ წარიმართოს და საზოგადოება, კონკურსში მონაწილე პირების ბიოგრაფიულ წარსულს იცნობდეს.

„იუსტიციის საბჭომ უარი გვითხრა ამ ინფორმაციის მოწოდებაზე და რჩება შთაბეჭდილება, რომ ისინი მალავენ ამ ინფორმაციას, იქიდან გამომდინარე, რომ მათ არ სურთ, რომს საზოგადოებამ მიიღოს ინფორმაცია იმ კანდიდატების შესახებ, რომელიც წარდგენილნი არიან უზენაესი სასამართლოს მოსამართლეობის კანდიდატებად.

რა თქმა უნდა ეს არის კანონსაწინააღმდეგო, ეს არის მცდელობა, რომ არასწორად მიიღონ კანონი და მოირგონ ისინი საკუთარი ინტერესების შესაბამისად,“-განაცხადა ”საქართველოს დემოკრატიული ინიციატივას” წარმომადგენელმა გვანცა წულუკიძემ.