"ევროპული საქართველო" რუსეთის დუმის წევრების ქვეყანაში შემოშვებას არასასურველად მიიჩნევს

პოლიტიკა - 12:45, 17 Jun, 2019

740

"ევროპული საქართველო" რუსეთის დუმის წევრების ქვეყანაში შემოშვებას არასასურველად მიიჩნევს - ინფორმაციას ამის შესახებ, პარტიის პრესსამსახური ავრცელებს.

"ზეგ, 19 ივნისს თბილისში იმართება მართლმადიდებლობის საპარლამენტო ასამბლეის სხდომა რომელზე ჩამოსვლასაც გეგმავს რუსეთის ფედერაციის სახელმწიფო დუმის რამდენიმე წევრი. ევროპული საქართველოს აზრით დუმის დეპუტატების საქართველოს ტერიტორიაზე შემოსვლა არასასურველია და ზიანს მიაყენებს როგორც ჩვენი ქვეყნის სუვერენიტეტს ასევე საერთაშორისო ავტორიტეტს. საუბარია შემდეგ დეპუტატებზე:

სერგეი გავრილოვი, რომელიც რუსეთის კომუნისტურ პარტიას წარმოადგენს. ჩვენს ხელთ არსებული ინფორმაციის თანახმად, გავრილოვი იმყოფებოდა აფხაზეთში აფხაზეთის ომის მიმდინარეობის დროს და მონაწილეობდა ომში საქართველოს წინააღმდეგ. იგი ასევე იმყოფებოდა სხვა ცხელ წერტილებში - დნესტრისპირეთსა და კოსოვოში. იგი ხელმძღვანელობს ე.წ დნესტრისპირეთის რესპუბლიკის ე.წ. პარლამენტთან - რომელსაც ჩვენი ოკუპირებული ტერიტორიების ე.წ. პარლამენტების მსგავსად არავინ აღარებს „ურთიერთქმედების ჯგუფს“. აღსანიშნავია რომ კომპარტიის ლიდერ გენადი ზიუგანოვთან ერთად ერაყის როგორც პირველი ასევე მეორე ომის დროს იმყოფებოდა ბაღდადში და აქტიურად უჭერდა მხარს სადამ ჰუსეინის რეჟიმს. გავრილოვი აქტიურად გამოდის უკრაინის მართლმადიდებელი ეკლესიის მიერ ავტოკეფალიის სხვადასხვა ეკლესიების მიერ აღიარების საწინააღმდეგო კამპანიის ერთ-ერთ მედროშედ. უდიდესი ალბათობით, მისი თბილისში ვიზიტის ერთ-ერთი მიზანიც უკრაინის საწინააღმდეგო ლობირებაა.

2015 წელს აღნიშნულ ინტერვიუში იგი ღიად საუბრობს იმაზე რომ რუსეთმა საკუთარი გავლენის საქართველოში აღსადგენად ფოკუსირება სწორედ საეკლესიო თემატიკის მანიპულაციით უნდა მოახდინოს რაც პირდაპირ უკავშირდება გუშინდელ მოვლენებს. იგი ასევე მონაწილეობდა ჩვენთვის კარგად ნაცნობი გენერალ ალექსანდრ ლებედის საარჩევნო კამპანიაში რომელსაც ბიძინა ივანიშვილი აფინანსებდა. გავრილოვის საქართველოში შემოშვება იქნება როგორც რუსეთის დუმის საგარეო ურთიერთობათა კომიტეტის თავმჯდომარის მოადგილე ალექსეი ჩეპა. იგი აქტიურად გამოდის რუსეთიდან 2006 წელს მასიურად გამოძევებული ქართველების საქმეზე, სტრასბურგის სასამართლოს გადაწყვეტილების თანახმად გამოძევებულთათვის კომპენსაციის გადახდის წინააღმდეგ. ალექსეი ჩეპა ასევე აქტიურად უჭერს მხარს უკრაინის ოკუპირებულ დონბასში რუსუი პასპორტების დარიგებას. იგი უკრაინის წინააღმდეგ სამხედრო აგრესიის თემებზე ერთ-ერთი მთავარი სპიკერია ივან სუხარევი - ვლადიმერ ჟირინოვსკის პარტიის წარმომადგენელი, გამოირჩევა აქტიურობით უკრაინის წინააღმდეგ რუსეთის სამხედრო აგრესიის საკითხში.

სუხარევი არაერთხელაა ნამყოფი როგორც ანექსირებულ ყირიმში, ასევე დონბასში. გასული წლის ნოემბერში იგი ესწრებოდა ე.წ. დონეცკის სახალხო რესპუბლიკის ე.წ. პრეზიდენტის ინაუგურაციას და აკრძალული აქვს შესვლა უკრაინის ტერიტორიაზე. ამ პიროვნების საქართველოს ტერიტორიაზე შემოშვება იქნება უკრაინის მიმართ არამეგობრული ნაბიჯი" - აღნიშნავე "ევროპულ საქართველოში.