"ღვეზელები გამოუცხვეთ ბიჭებს, დაგვჭირდება ,,მატრასები" - ვასაძის მხარდამჭერები ვერის პარკში "დასახლებას" აპირებენ

პოლიტიკა - 12:13, 17 Jun, 2019

1662

ლევან ვასაძის თანამოაზრის „ქართული იდეის" ლიდერის ლევან ჩაჩუას თქმით ვერის პარკში მათი მხარდამჭერები 23 ივნისამდე დარჩებიან, ამიტომ მათ საკვები და მატრასები დასჭირდებათ.

„მეგობრებო, გთხოვთ ყურადღებას!

ხალხი ჩამოდის რეგიონებიდან და ბევრი მათგანი აპირებს დარჩეს 23-მდე.

ამ დღეებში ჩვენი შეკრების ადგილი იქნება ვერის პარკი.

მცირედი წვლილი ყველამ უნდა შევიტანოთ ამ საქმეში. დიასახლისებმა ღვეზელები (რისი საშუალებაც გექნებათ) გამოუცხვეთ ბიჭებს. ასევე, დაგვჭირდება ,,მატრასები'', რომ ბიჭებმა ღამით ცოტა ხნით მაინც დაისვენონ. (ბოლო-ბოლო გვათხოვეთ და დაგიბრუნებთ).

მოკლედ, ყველა ჩავერთოთ მცირედით მაინც და მთლიანობაში დიდი საქმე გაკეთდება.

ღმერთი იყოს ჩვენი შემწე და მფარველი!“- წერს ლევან ჩაჩუა ფეისბუკზე.

შეგახსენებთ, 16 ივნისს ბიზნესმენმა ლევან ვასაძემ ვერის პარკში შეკრებილ თანამოაზრეებს “თბილისი პრაიდის” ჩაშლის გეგმა გააცნო. მან მოუწოდა მოხალისეებს გაერთიანდნენ სახალხო ლეგიონში და არ მისცენ პრაიდის მონაწილეებს 18-23 ივნისს დაგეგმილი ღონისძიებების ჩატარების საშუალება. დედაქალაქში პატრულირებას ლეგიონი 18 ივნისიდან აპირებს. მათი თქმით, ისინი შეეწინააღმდეგებიან პოლიციასაც თუ სამართალდამცავები მათ პატრულიტრების საშუალებას არ მისცემენ. აღნიშნულთან დაკავშირებით, შსს-მ გამოძიება უკვე დაიწყო 223-ე მუხლით, რაც უკანონო ფორმირებების შექმნას და მასში გაწევრიანებას გულისხმობს.