რა უნდა ვიცოდეთ დავითგარეჯის პრობლემის შესახებ დღეს! - სამოქალაქო აქტივისტები საქართველოს მთავრობას მიმართავენ

პოლიტიკა - 11:21, 15 Jun, 2019

670

რამდენიმე ხნის წინ სამოქალაქო აქტიბისტების და მეცნიერების მიერ შექმნილი "დავითგარეჯის ჯგუფი" განცხადებას ავრცელრბს:

"რა უნდა ვიცოდეთ დავითგარეჯის პრობლემის შესახებ დღეს!!!

დავითგარეჯის სამონასტრო კომპლექსი არ არის ალბანური კულტურის ნაწილი. ეს საკითხი სამეცნიერო წრეებში სადავო არ არის.

საზღვრის გარეჯის მონაკვეთის სადავო ნაწილი ეხება მხოლოდ უდაბნოსა და ჩიჩხიტურის მონასტრებს და არ გულისხმობს წმ. დავითის ლავრას.

იმ რუკებს შორის, რომლებსაც იყენებს ორმხრივი სადელიმიტაციო- სადემარკაციო კომისია, არსებობს ისეთი რუკები, რომლებიც განამტკიცებს ქართული მხარის პრეტენზიას უდაბნოსა და ჩიჩხიტურის მონასტრების ტერიტორიაზე.

სამოქალაქო საზოგადოება ითხოვს საქრთველოს (და მხოლოდ საქართველოს) მთავრობისაგან, მოლაპარაკებების დასრულებამდე უზრუნველყოს უდაბნოსა და ჩიჩხიტურის მონასტრებთან დაკავშირებით აქამდე არსებული სტატუს-კვო, რაც საქართველოს ტერიტორიიდან მათ თავისუფალ და შეუზღუდავ წვდომას გულისხმობს.

ამ პრობლემის გარშემო შეკრებილი სამოქალაქო აქტივისტები და მეცნიერები არ წარმოადგენენ პოლიტიკურ ჯგუფებს, რომლებიც ცდილობენ დავითგარეჯის თემით საკუთარი მიზნების მიღწევასა და საზოგადოების ყურდღების გადატანას ნამდვილი პრობლემიდან ეთნიკურ დაპირისპირებაზე"- წერია განცხადებაში.