გუბაზ სანიკიძე ლადო კახაძეს მიმართავს და ურჩევს მასთან შეხვედრას მოერიდოს. სანიკიძემ ოცნების ახლადარჩეულ დეპუტატს ივანივილის „არღნის ჩიტი“ და „სოლოლაკის ბაზარი ნაყიდი მონა“ უწოდა.

გადაცემა “ბარიერში“ სანიკიძემ ლადო კახაძის იმ განცხადებას უპასუხა, რომელშიც მთაწმინდის ახლადარჩეული დეპუტატი ამბობს, რომ გუბაზ სანიკიძე მამამისს (ლევან სანიკიძეს) არცხვენს.

“ოცნების ახალი სახე არის ლადო კახაძე რომ ყავთ, სოლოლაკის ბაზრობაზე ახალი ნაყიდი მონა ბიძინას მიერ, ჩემზე რომ ლაპარაკობს მამას არცხვენსო. ლადო არა გრცხვენია? პრესტუპნიკების გაყვანილი დეპუტატი ხარ. არ გრცხვენია ამას რომ ლაპარაკობ? და საერთოდ ენა დაიმოკლე როცა მამაჩემს ახსენებ. რა იცი შენ მამაჩემის შესახებ? ერთადერთი ის იცი რომ მისი წიგნებიდან ციტატებს იპარავ და მერე სუფრაზე სადღეგრძელოებში ყვები. დაოკდი. შენი სტატუსი არის არღნის ჩიტობა და გააგრძელე არღნის ჩიტობა. ბიძინას არღნის ჩიტი ხარ შენ. მეორეჯერ მამაჩემი არ ახსენო და საერთოდ მოერიდე ჩემთან შეხვედრას. ეს ახლად გამოჩეკილი მამლუქი ბიძინასი ესა. უსირცხვილო შენ, როგორ არ გრცხვენია ნამსუზე და ღირსებაზე როგორ ლაპარაკობ. მეშოკივით დაგდეს პარლამენტში. მთელი ხელისუფლება დარბოდა და ძლივს გაგათრიეს იქა.ეს ნაცარა ესა, ეს ყურცქვიტა.“–თქვა “ბარიერში~ გუბაზ სანიკიძემ.

ლადო კახაძემ გუბაზ სანიკიძე იმის გამო გააკრიტიკა, რომ ის ბიძინა ივანიშვილს ქვეყნის მტერს უწოდებს.

“თურმე გუბაზ სანიკიძე ფიქრობს, რომ ბიძინა ივანიშვილი არის ჩვენი ქვეყნის მტერი… ადამიანი, რომელსაც სანიკიძემ მტერი უწოდა არის ჩვენი ქვეყნისათვის ძალიან მნიშვნელოვანი ადამიანი, რომელმაც რეჟიმისგან გვიხსნა, სიკვდილისგან, წამებისგან გვიხსნა და თუ სანიკიძისთვის ბიძინა ივანიშვილი მტერია, მაშინ გუბაზ სანიკიძისთვის მეც მტერი ვარ.არის რაღაცეები რაც უბრალოდ ადამიანობის და კაცობის ზღვარს ცდება. სანიკიძეს ხალხი პატივს სცემდა პირველ რიგში მამამისის გამო და ალბათ მამამისსაც ძალიან შერცხვებოდა დღეს მისი სიტყვების, ქცევის გამო. პოლიტიკას სვრიან სწორედ ასეთი ადამიანები, ვინც ყველაფრის მკადრებელია.“–თქვა ლადო კახაძემ ორი დღის წინ.