"აუცილებელია, შესრულდეს ოდირის 27 მთავარი რეკომენდაცია"

"აუცილებელია, შესრულდეს ოდირის 27 მთავარი რეკომენდაცია" - კარლ ჰარცელი საარჩევნო სისტემაზე

პოლიტიკა - 17:56, 13 Jun, 2019

1002

საარჩევნო სისტემის ცვლილებებზე სამუშაო ჯგუფის შეხვედრას არასამთავრობო ორგანიზაციებისა და საქართველოში აკრედიტირებული დიპლომატიური კორპუსის წარმომადგენლები ესწრებოდნენ, მათ შორის იყო საქართველოში ევროკავშირის წარმომადგენლობის ხელმძღვანელი კარლ ჰარცელი. მისი თქმით მნიშვნელოვანია, რომ ოდირის მიერ გამოვლენილი ხარვეზების გამოსწორება მოხდეს, რათა მომდევნო საპარლამენტო არჩევნებისთვის საარჩევნო სისტემა იყოს მყარი:

ყურადღებას ვამახვილებთ წინა არჩევნების შემდგომ პერიოდებზე, მათ შორის საპრეზიდენტო არჩევნების შემდეგ, რომელმაც საერთაშორისო გაერთიანებას, მათ შორის ევროკავშირს, არაერთ საკითხზე შეშფოთება დაუტოვა. მათი ფორმულირება მოხდა რეკომენდაციების სახით სხვადასხვა სადამკვირვებლო ანგარიშში. ახლა აუცილებელია, შესრულდეს ოდირის 27 მთავარი რეკომენდაცია.

მოხარული ვარ, რომ ეს პროცესი დაიწყო, რადგან დრო შეზღუდულია და მომავალი წლიდან საარჩევნო წელი იწყება. ასე რომ ეს ძალიან მნიშვნელოვანი ამოცანაა. ეს ადვილი არ იქნება, თუმცა იმედი გვაქვს რომ იქნება ინკლუზიური პროცესი, რომელშიც ბოლომდე ჩართული დარჩებიან ყველა: ოპოზიციური პარტიები, არასამთავრობო ორგანიზაციები, საერთაშორისო ექსპერტები, სააგენტოები და სამინისტროები. დღევანდელი განხილვის ერთ-ერთი თემა იყო ასევე საარჩევნო სისტემაც. მინდა ხაზი გავუსვა ოდირის მიერ გამოვლენილი ხარვეზების გამოსწორების მნიშვნელობას იმის უზრუნველსაყოფად, რომ მომდევნო საპარლამენტო არჩევნებისთვის საარჩევნო სისტემა იყოს მყარი."- განაცხადა კარლ ჰარცელმა.