2020-სთვის მაჟორიტარული სისტემის გაუქმება - ოპოზიცია საარჩევნო რეფორმაზე მომუშავე ჯგუფში ჩართვისთვის ულტიმატუმს აყენებს

პოლიტიკა - 09:39, 13 Jun, 2019

710

საარჩევნო რეფორმაზე მომუშავე ჯგუფის დღეს პირველ შეხვედრას გამართავს, რომელზეც ოპოზიცია ულტიმატუმით მისვლას აპირებს. ხელისუფლების ოპონენტების განცხადებით, თუ მმართველი გუნდი მაჟორიტარულ საარჩევნო სისტემას 2020 წლის საპარლამენტო არჩევნებისთვის არ გაააუქმებს, ოპოზიცია საარჩევნო რეფორმაზე მომუშავე ჯგუფის მუშაობაში მონაწილეობას აღარ მიიღებს.

„ნაციონალური მოძრაობის“ წევრის სალომე სამადაშვილის თქმით, ოცნების გუნდს არ აინტერესებს საზოგადოების და სტრატეგიული პარტნიორების აზრი, მათთვის მთავარია ის თუ რა დაკვეთას მისცემს ივანიშვილი:

"ბიძინა ივანიშვილს დღეს არ აქვს ფუფუნება რომ ქვეყანაში არსებობდეს რაიმე ინსტიტუტი რომელსაც ის არ აკონტროლებს, ეს მას სჭირდება ძალაუფლების შენარჩუნებისთვის მოახლოებულ არჩევნებთან ერთად. კობახიძე და ბიძინა ივანიშვილის მორჩილი უმრავლესობა საბოლოოდ მიღებს იმ გადაწყვეტილებას, რა პოლიტიკურ დაკვეთასაც მიიღებენ,"- განაცხადა სალომე სამადაშვილმა.

"ევროპული საქართველოს" წევრი, სერგი კაპანაძე აცხადებს, რომ ხელისუფლებას არ გამოუვა მთავარი საკითხის გვერდზე გადადება და ისინი 2020 წლის საპარლამენტო არჩევნებზე, მაჟორიტარული სისტემის გაუქმების საკითხს აუცილებლად დააყენებენ.

"პროპორციულ საარჩევნო სისტემაზე გადასვლა - ჩვენ მზად ვართ, რომ ამ თემაზე ვიყოთ დიალოგში ხელისუფლებასთან, მაგრამ ეს არის ის მთავარი საკითხი, რომელიც უნდა იყოს დიალოგი ამიტომ თუ ვინმეს ჰგონია რომ სხვა, შედარებით უმნიშვნელო თემებზე დიალოგი გამოვა და ამ საკითხს გვერდზე გაწევენ, ესე არ გამოვა."- გაანცხადა სერგი კაპანაძემ.