გორის სპორტის სასახლის დირექტორმა, რომელიც შპს „საქართველოს“ 100%-იანი წილის მფლობელია , „ქართულ ოცნებას“ 100 ათასი ლარი შესწირა. „საერთაშორისო გამჭვირვალობა - საქართველოს“ ცნობით, აღნიშნულ კომპანიას და მასთან დაკავშირებულ პირებს წინა წლებში პოლიტიკური შემოწირულებები არ გაუკეთებიათ.

შპს „საქართველოს“ ასპროცენტიანი მეწილე ბორის გოგიჩაიშვილი, რადიო „მოზაიკის“ ცნობით, შიდა ქართლის ძიუდოს ფედერაციის პრეზიდენტის თანამდებობას იკავებს და ასევე, გორის სპორტის სასახლის დირექტორიცაა. ის 2011 წელს სახელმწიფო სახსრების მითვისებას და საგადასახადო დოკუმენტების გაყალბებისთვის იყო დაკავებული.

წყარო: რადიო „მოზაიკა“