"ოპოზიციამ ისეთი ტყუილი მოიფიქროს, რომ დამაჯერებელი იყოს, ადრე ამით მაინც იყვნენ პოპულარულები"

"ოპოზიციამ ისეთი ტყუილი მოიფიქროს, რომ დამაჯერებელი იყოს, ადრე ამით მაინც იყვნენ პოპულარულები" - კახა კალაძე

პოლიტიკა - 16:23, 11 Jun, 2019

955

დიდი ოდენობით სხვისი ნივთის თაღლითურად დაუფლების ფაქტზე სუს-ის მიერ დაკავებულ „ბილდინგ-დეველოპერის“ დირექტორის ალექსი სიხუაშვილისა და ხელისუფლების წარმომადგენლებს შორის არსებულ კავშირს დღეს თბილისის მერი კახა კალაძე გამოეხმაურა. საუბარია გახმაურებულ საქმეზე, რომელიც გაზის ტრანსპორტირების კომპანიის მხრიდან შპს „ბილდინგ დეველოპერისთვის“ 7 მილიონის გადაცემას ეხება. კახა კალაძე სიცრუეს უწოდებს ოპოზიციის განცხადებას იმასთან დაკავშირებით, რომ სიხუაშვილს ის და მისი მოადგილე ირაკლი ხმალაძე მფარველობენ. როგორც ირკვევა მილიონების პირდაპირ ტენდერის გარეშე გაცემას ხელი თბილისის ვიცემერის, ირაკლი ხმალაძის ძმამ, ჯაბა ხმალაძემ მოაწერა, რომელიც 2018 წლიდან გაზის ტრანსპორტირების კომპანიის დირექტორად მუშაობს. ოპოზიციის წევრები ამბობენ, რომ ჯაბა ხმალაძე 7 მილიონის გაცემაზე ტენდერის გარეშე გადაწყვეტილებას დამოუკიდებლად ვერ მიიღებდა.

„ოპოზიციამ ისეთი ტყუილი მოიფიქროს, რომ დამაჯერებელი იყოს. ადრე ამით მაინც იყვნენ პოპულარულები, რომ ისე ატყუებდნენ ხალხს, რომ ბევრი რამე სჯეროდათ და შექმნეს ვირტუალური საქართველო, სადაც ყველას ეგონა, რომ ყველაფერი მაგრად იყო, ყველა ბედნიერი იყო, ყველაფერი მაგრად მიდიოდა. მაგრამ ახლა უკვე ესეც არ გამოსდით, ტყუილებიც არ გამოსდით, რაც შეეხება ირაკლი ხმალაძის ძმას, ის არის გამოცდილი პროფესიონალი, სპეციალისტი და ის მერიაში არ მუშაობს. შესაბამისად, ეს კითხვები თუ გაქვთ, დაუსვით შესაბამის უწყებას და არა დედაქალაქის მერიას.“ - განაცხადა კახა კალაძემ.