„ივანიშვილის მიერ მიწაზე დანარცხებულ სასამართლოს ფეხებით შედგა ივანიშვილისვე მართული პროკურატურა“ - ბაჩუკი ქარდავა კუპრავას პატიმრობაში დატოვებაზე

პოლიტიკა - 15:08, 11 Jun, 2019

1353

ჩვენ გვყავს სასამართლო, რომელსაც მართავს ერთი ადამიანი, ხოლო ივანიშვილისვე მართული პროკურატურა ფეხებით შედგა სასამართლო სისტემას - ასე აფასებს ზვიად კუპრავას პატიმრობაში დატოვების გადაწყვეტილებას ეროვნულ-დემოკრატიული პარტიის ლიდერი. ბაჩუკი ქარდავა, რომელიც სასამართლო პროცესს გაერთიანებული ოპოზიციის ლიდერებთან ერთად ესწრებოდა, ამბობს, რომ ამ გადაწყვეტილებას არაფერი აქვს საერთო სამართალთან, რადგან ივანივილმა პატიმრობაში დატოვა ადამიანი, რომელიც მას დისკომფორტს უქმნიდა.

„დღევანდელკი სასამართლო პროცესი იყო ნათელი დადასტურება იმისა, რომ ბიძინა ივანიშვილის მიერ მიწაზე დანარცხებულ სასამართლო სისტემას, ფეხებით შედგა ივანიშვილისვე მართული პროკურატურა. დღევანდელ პროცესს თუ შევაფასებთ, ეს იყო ცინიზმის ყველაზე საშინელი გამოხატულება. დაწყებული იქინდა, რომ საქმეზე, რომელზეც მოსამართლე განაჩენს ვერ აყენებს, არ ცხადდება სახელმწიფო ბრალდების, პროკურატურის წარმომადგენელი, გაგრძელებული იმ ცირკით, რაც მოაწყო მოსამართლე გოგუაძემ, არაფერი აქვს საერთო სასამართლოსა და ზოგადად სამართალთან. სურს ივანიშვილს და მის ხელისუფლებას მისთვის არაკომფორტული ადამიანის იზოლაცია და ის ჰყავს იზოლირებული პატომრობაში“ - განაცხადა ედპ-ის ლიდერმა.

ზვიად კუპრავა 24 თებერვალს დააკავეს, მიზეზად კი ის დასახელდა, რომ სასამართლოს უპატივცემულობის შემდეგ, გირაოს ქვეშ მყოფმა ზვიად კუპრავამ, ასევე სასამართლოს მიმდებარე ტერიტორიაზე, ფიზიკური შეურაცხყოფა მიაყენა ადვოკატს, რის გამოც აღნიშნული ქმედებისთვის მას სისხლის სამართლის კოდექსის 126-ე მუხლით (ძალადობა) წარედგინა ბრალი. კუპრავას დაკავების სანქცია სასამართლომ 21 თებერვალს გასცა, როდესაც მას აღკვეთის ღონისძიება - გირაო პატიმრობით შეუცვალა.