"პატრიოტთა ალიანსის" წევრმა ადა მარშანიამ, დავით გარეჯის საკითხთან დაკავშირებით, "ქართული ოცნების" წევრებს მიმართა.

მარშანია პარლამენტში საკითხთან დაკავშირებით კომისიის მიწვევას ითხოვს.

„მე პარლამენტის წევრმა, კომიტეტის სხდომაზე, ოფიციალურად და არა კულვარულად, სამჯერ დავაყენე საკითხი, მოვიწვიოთ საზღვრის დამდგენი სამთავრობო კომისია და მოვუსმინოთ მათ, სამჯერ. პარლამენტის წევრი ამ საკითხს აყენებს, რა გავაკეთო მითხარით, შიმშილობა დავიწყო დარბაზში თუ ქვების სროლა დავიწყო. რა ფორმით მივმართო მე პარლამენტს, რომ ეს სასიცოცხლოდ საჭირო კომისია დავიბაროთ აქ" -აღნიშნა პარლამენტის წევრმა.