N1 მთაწმინდის მაჟორიტარულ საარჩევნო ოლქში საქართველოს პარლამენტის შუალედური არჩევნების მეორე ტურში ხმის მიცემის პროცესის დასრულებულების შემდეგ, „ქართული ოცნების“ მთაწმინდის მაჟორიტარმა დეპუტატობის კანდიდატმა ლადო კახაძემ პირველი კომენტარი გააკეთა.

კახაძის განცხადებით, არჩევნები, რომელიც ჩატარდა, წინგაგადგმული ნაბიჯია.

„ჩემთვის, როგორც ამ მარათონში მონაწილე ადამიანისთვის, დიდად საპატიო იყო ჩვენს მოსახლეობასთან, ოპონენტთან შეხვედრა და მასთან ჩემი აზრის გაზიარება. ეს ყველაფერი კი მოხდა საჯარო სივრცეში, ყოველგვარი წესების დაცვით და ის ყველაფერი, რაც ამ არჩევნებთანაა დაკავშირებული, მე ვფიქრობ, კიდევ ერთი წინ გადადგმული ნაბიჯია. თავის პატარა მინუსები ყველაფერს ახლავს თან, მაგრამ ამის მიუხედავად, ეს მე ვთვლი, რომ გაცილებით უკეთესია, ვიდრე ძიძგილაობა, ვიდრე რაღაც შეურაცხყოფის მიყენება. ვიხვეწებით, მომდევნო არჩევნები კიდევ უკეთესი უნდა იყოს და ამის შემდგომიც კიდევ უფრო უკეთესი“, - განაცხადა ლადო კახაძემ.

ლადო კახაძე ამბობს, რომ თავად ის წინასწარ მონაცემებს არ გაცნობია.

„მე ჯერ არ ვარ გაცნობილი წინასწარ მონაცემებს. მაგრამ რამდენადაც მე ვიცი წინასწარი მონაცემები არის საიმედო ჩვენთვის და კარგი მონაცემებია. მაგრამ მე არ ვფლობ ამ ინფორმაციას, ამიტომ ჩემი ინფორმაცია არ იქნება სწორი,“-განაცხადა ლადო კახაძემ.