"ევროპული საქართველოს" ერთ-ერთი ლიდერის, გიგა ბოკერიას ინფორმაციით, "ქართული ოცნება" დაჭერილი დავით ციხელაშვილის საქმით მანიპულირებს და მისი ბედით ვაჭრობს.

როგორც პარტიაში აცხადებენ, დაჭერილი მამაკაცის ოჯახს ლადო კახაძისთვის ხმების მობილიზების სანაცვლოდ, დავით ციხელაშვილის გათავისუფლებას ჰპირდებიან.

"ოქროყანაში ძალიან უზნეო და უკანონო მეთოდით მიმდინარეობდა პირველი ტურის დროსაც და მეორე ტურის დროს, დაჭერილი კაცის ბედით ვაჭრობდნენ. წინა არჩევნებისთვისაც და მერეც გადააგდეს ხალხი, მაგრამ დაჭერილი ხალხისთვის და მისი გარემოცვისთვის ყოველთვის ეფექტური ინსტრუმენტია, როცა გეუბნებიან, რომ მიეცი მთავრობის კანდიდატს ხმა და გავუშვებთ. ამას აკეთებდა კონკრეტული ჯგუფი და მისი ერთ-ერთი წარმომადგენელი გამოგვხმაურა აქ და სცადა ტიპიური გარჩევის მოწყობა. ჩვენ აქ ვართ იმისთვის, რომ აქ იყოს სიმშვიდე და დღეს მაინც ამომრჩევლებს მიეცეთ თავიანთი ნების მშვიდად გამოხატვის საშუალება. აქამდე რაც მოხდა, ეს არის უკვე არანორმალური არჩევნები აქ, ოქროყანაში. დღევანდელი დღე მაინც უნდა იყოს მშვიდი და სწორედ ამიტომ ვართ აქ ჩვენ" - აღნიშნა "ევროპული საქართველოს" ერთ-ერთმა ლიდერმა.