“რომ დავინახე სისხლიან თავზე ნაჭერი გადაფარებული, არც მეგონა ბავშვები ცოცხლები თუ იყვნენ... დაეჯახა და სასწრაფოც არ გამოიძახა“ (ვიდეო)

პოლიტიკა - 21:55, 08 Jun, 2019

5876

ნასვამი პოლიციელი ავტომობილით ბორჯომის გზაზე, ბავშვებით სავსე მანქანას შეეჯახა და დანაშაულის ადგილიდან გაიქცა. დემეტრაძეების ოჯახი სიკვდილ სასწაულებრივად გადაურჩა.

აბასთუმნიდან ვალეს მიმართულებით მიმავალ მანქანას, სადაც 2 მცირეწლოვანი ბავშვიც იჯდა, გადაჭარბებული სიჩქარით მოძრავი „მერსედესი“ შეეჯახა.
მძიმედ დაშავებულებისთვის სასწრაფო დახმარება გამვლელმა გამოიძახა. სამცხე-ჯავახეთის საპატრულო პოლიციის თანამშრომელმა , ზურაბ ხობიაშვილმა დანაშაულის ადგილი და მძიმედ დაშავებული ბავშვები, სავარაუდოდ, იმ მოტივით მიატოვა, რომ არავის დაეფიქსირებინა, როგორ მართავდა ის საჭეს ნასვამი.
ოჯახი, რომელსაც პოლიციის თანამშრომელი დაეჯახა გაოგნებული იყო, როცა გაიგო , რომ ხობიაშვილი ახლა მათ დამტვრეული ავტომობილის ღირებულების ანაზღაურებას სთხოვს.
მომხდარი ავარიის შესახებ ხობიაშვილის მეუღლე საუბრობს და აცხადებ, რომ მისი მეუღლე არაფხიზელ მდგომარეობაში არ ყოფილა, თუმცა ის ფაქტი, რომ პოლიციის თანამშრომელი არაფხიზელ მდომარეობაში მართავდა მანქანას ოფიციალურად დადასტურებულია.
მიუხედავად იმისა, რომ ზურაბ ხობიაშვილი საჭეს ნასვამი მართავდა, შემთხვევის ადგილიდან მიიმალა და ჯერ გამოძიებასაც არ აქვს დადგენილი ავარიაში დამნაშავე პირის ვინაობა. სამართალდამცველი ისევ რაიონის პოლიციაში მუშაობს.