„ჟვანიას და სააკაშვილის საქმეების პროკურორი პოლიციელებმა ქუჩაში ცემეს - ამბავი რომელსაც გახარია მალავდა“- შაბათის კურიერის სკანდალური სიუჟეტი

პოლიტიკა - 21:30, 08 Jun, 2019

4622

საქმე, რომელსაც შინაგან საქმეთა სამინისტრო და პროკურატურა ბოლო 10 დღეა მალავს. თბილისში უამრავი ადამიანის თვალწინ გახმაურებული საქმეების პროკურორი, საქართველოს საპროკურორო საბჭოს წევრზე, ისნისა და სამგორის პროკურატურის ხელმძღვანელზე ივანე კაკალიაზე.

მოძალადეები გლდანი -ნაძალადევის რაიონის პოლიციის თანამშრომლები არიან. დაპირისპირება დადიანის გამზირზე რამდენიმე ნაწილისგან შედგებოდა.

პროკურორის ცემა პოლიციელებმა ერთ-ერთ სუპერმარკეტში დაიწყეს, ავტომობილში გააგრძელეს და პოლიციის შენობაში გადაყვანის შემდეგაც არ დაასრულეს. ივანე კაკალია ამ პერიოდის განამვლობაში პოლიციელებს საკუთარ თანამდებობას მუდმივად ახსენებდა.

ნაცემი პროკურორი პოლიციელებმა გლდანი-ნაძალადევის რაიონის განყოფილებაში გადაიყვანეს, დაკავების ოქმი გააფორმეს და დიღომში წინასწარი დაკავების იზოლატორში გადაიყვანეს. შენობაში, როდესაც თანამშრომლებმა ხელბორიკილებდადებული კაკალია დაინახეს, პროკურორი იცნეს, განგაში ატყდა, დაკავების ოქმი დახიეს და ნაცემი პროურორი სახლში გაუშვეს.

სკანდალი 29 მაისს მოხდა. პოლიციაც და პროკურატურაც ამ ამბავს მალავენ. საქმე იმდენად გაასაიდუმლოვეს, რომ ვანო კაკალიას კარის მეზობლებმაც კი უარყვეს მასთან მეზობლობა.

პოლიციელების მიერ ნაცემი პროკურორის სამსახური ჩალაძის პირველ ნომერში მდებარეობს. კაკალიას მისაღებში განაცხადეს, რომ პროკურორი შვებულებაშია.

პროკურატურა და შსს ადასტურებს პროკურორ კაკალიას ცემის ფაქტს.

სკანდალის შემდეგ გახარია იძულებული იყო, პოლიციის იმ განყოფილების უფროსობა მოეხსნა, რომლის თანამშრომლებიც პროკურორ კაკალიას გაუსწორდნენ.

ყოფილი მთავარი პროკურორი იმ საქმეებს იხსენებს, რომლებიც ნაცემი ივანე კაკალიას სახელს უკავშირდება. მურთაზ ზოდელავა ამბობს, რომ კაკალია მთავარი პროკურორის მოადგილის, მამუკა ვასაძის კადრია, ხელისუფლების შეცვლის შემდეგ, უშუალოდ კაკალია ასრულებდა პოლიტიკურ დაკვეთებს. მის ხელში იყო მიხეილ სააკაშვილისა და ზურაბ ჟვანიას საქმეები.