ლილოში, დამწვარი ბაზრობის ტერიტორიაზე დილიდან იმყოფებიან დაზარალებულები და პოლიციის თანამშრომლები. მოვაჭრეებს ზარალის ზუსტ ოდენობაზე საუბარი ჯერჯერობით უჭირთ, თუმცა მათი თქმით, ფინანსური ზარალი დიდია.

"ჩაინა ლილო სითიში" ცეცხლი დაახლოებით 23:00 საათისთვის გაჩნდა. დამწვარია ათას კვადრატულ მეტრამდე ფართი და ათობით მაღაზია. ამ დრომდე უცნობია ხანძრის გამომწვევი ზუსტი მიზეზიც.

ცეცხლის ჩაქრობას 90-მდე მეხანძრე-მაშველი ცდილობდა.

მომხდარზე გამოძიება ცეცხლის წაკიდებით ნივთის დაზიანების ან განადგურების მუხლით დაიწყო.

„ნიუპოსტი“ გთავაზობთ ფოტო-რეპორტაჟს ნახანძრალი ტერიტორიიდან.