"ფინანსური შემოვიდა, საგადასახადო შემოვიდა, მივიღეთ 4 განჩინება, რატომ დაგვედო ყადაღა პასუხს არ გვაძლევენ, ეს არის იმ ყველაფრის ეჭვი წუხელ რაც მოხდა"- ლაურა ღაჭავა ხანძარს დივერსიას უკავშირებს

პოლიტიკა - 14:11, 07 Jun, 2019

1344

ხანძარი ლილოში - "ჩაინა ლილო სითის" მფლობელი ლაურა ღაჭავა აცხადებს, მას ამ ეტაპზე უჭირს გადაჭრით თქვას, უკავშირდება თუ არა გუშინ გაჩენილი ხანძარი მისი კომპანიების ანგარიშების დაყადაღებას.

მისი თქმით, პოლიტიტიკური მოტივების შესახებ ეჭვი სწორედ დაწესებულებაში ფინანსური ინსტიტუტების საგამოძიებო ორგანოების შესვლამ და ანგარიშების დაყადაღებამ გამოიწვია.
"ტვ. პირველის" ჟურნალისტმა ღაჭავას მისი შვილის განცხადება შეახსენა. შპს "ლილო სითის" მფლობელის ლაურა ღაჭავას შვილი, "საქართველოს სამოქალაქო ავიაციის პროფესიონალთა გაერთიანების" პრეზიდენტი გიორგი კოდუა ამბობს, რომ "ლაურა ღაჭავას ობიექტებზე ფინანსური პოლიციაა შესული... ეს შეიძლება ხანძართან დამთხვევაა".
"დაემთხვა ბოლო 15 დღე 4 სასამართლო განჩინება მივიღეთ, რომელიც წარმოუდგენელია 15 დღეში 4 განჩინება ერთი და იგივე მოსამართლისგან. როცა სასამართლოს თვეობით ელოდები. ასე დაემთხვა ეს ყველაფერი ფინანსური შემოვიდა, საგადასახადო შემოვიდა, სასამართლოდან მივიღეთ განჩინება. ვწერთ წერილებს პასუხს არ გვაძლევენ, რატომ დაგვედო ყადაღა და ეს არის ყველაფრის ეჭვი წუხელ რაც მოხდა"- განაცხადა ლაურა ღაჭავამ.