"მეც ვგრძნობ ჩემს პასუხისმგებლობას" - ეკონომიკის მინისტრი პანკისში განვითარებულ მოვლენებს კომუნიკაციის პრობლემებს აბრალებს

პოლიტიკა - 13:59, 07 Jun, 2019

620

ეკონომიკის მინისტრმა პარლამენტში კომიტეტების გაერთიანებულ სხდომაზე პანკისის ხეობაში განვითარებულ მოვლენებზე ისაუბრა და განაცხადა, რომ შექმნილ პრობლემაზე ძირითადი პასუხისმგებლობა სახელმწიფოსია და რა თქმა უნდა ეკონომიკის სამინისტროსი და უწყების მინისტრის. თურნავა პრობლემის მთავარ მიზეზად კომუნიკაციის პრობლემას ასახელებს, მისი თქმით ქვეყნისთვის ძალიან საჭირო პროექტებს, ცუდი კომუნიკაციის გამო დაბრკოლება ექმნება და ვერ ხორციელდება დროულად.

„იყო ძალიან სამწუხარო გაუგებრობა, როდესაც მსგავსი ფაქტი ხდება, რა თქმა უნდა, ძირითადი პასუხისმგებლობა სახელმწიფოსია, ეკონომიკის სამინისტროსი და ეკონომიკის მინისტრისაც. მეც ვგრძნობ ჩემს პასუხისმგებლობას შექმნილ პრობლემაზე.“ - განაცხადა თურნავამ.

ეკონომიკის მინისტრმა ენერგეტიკის სფეროს სწრაფი რეფორმირების საჭიროებაზე ისაუბრა, მათ შორის კომინიკაციის ნაწილშიც:

"მე ამასთან დაკავშირებით დავინახე ძალიან დიდი გამოწვევა და საჭიროება, მთლიანად ენერგეტიკის დარგის რეფორმირების. პანკისისა და მსგავსმა სხვა რამოდენიმე შემთხვევამ, როდესაც ქვეყნისთვის ძალიან საჭირო პროექტებს, ცუდი კომუნიკაციის გამო დაბრკოლება ექმნება და დროულად ვერ ხორციელდება, დაგვანახა, რომ ჩვენი ენერგეტიკის სექტორი სწრაფ რეფორმირებას საჭიროებს, მათ შორის კომუნიკაციის ნაწილშიც, უკეთესი კომუნიკაციის მხრივ, რომელიც აშკარად აკლდა ამ კონკრეტულ შემთხვევას. მეტი უსაფრთხოებისთვის მეტი განახლებადი წყაროები გვჭირდება, რომ ნაკლებად ვიყოთ დამოკიდებული იმპორტზე. ძალიან დიდი იმედი გვაქვს, რომ პანკისის ხეობის შემდგომი განვითარების პროგრამებთან დაკავშირებით, საბოლოო ჯამში კონსენსუსს ინვესტორისა და მოსახლეობის ჩართულობით მივაღწევთ და ამ პროგრამებს შორის მცირე ჰესები იქნება. ამ თვალსაზრისით, ხეობას კარგი გამოცდილება აქვს და იქ მსგავსი პროექტები მოქმედებს, ადამიანებს ასაქმებს.“- განაცხადა თურნავამ.