საპროცენტო განაკვეთის გაუქმება პენსიებზე და ჩამოჭრილი თანხის უკან დაბრუნება - გაერთიანებული ოპოზიცია ფართომასშტაბიან საპროტესტო აქციებს იწყებს

პოლიტიკა - 13:16, 07 Jun, 2019

1652

გაერთიანებული ოპოზიცია ნაციონალურ მოძრაობასთან ერთად ქვეყანაში არსებულ ეკონომიკურ მდგომარეობასთან დაკავშირებით საპროტესტო აქციას იწყებს.

გრიგოლ ვაშაძემ საზოგადოების წევრებთან შეხვედრისას ქვეყანაში არსებულ მძიმე სოციალურ პირობებზე ისაუბრა და ხაზი გაუსვა პენსიონერების მძიმე მდგომარეობას, მისი თქმით პენსიონერები სახელმწიფოს მხრიდან კაბალურ პირობებში იმყოფებიან. გრიგოლ ვაშაძემ ხელისუფლებას კატეგორიულილ მოთხოვნები წაუყენა, რომლის არშესრულების შემთხვევაში ქვეყანაში ფართომასშტაბიანნი საპროტესტო აქციები დაიწყება

„ ერთიანი ნაციონალური მოძრაობა და გაერთიანებული ოპოზიცია ამ ე.წ ხელისუფლებისგან აბსოლუტურად კატეგორიულად მოითხოვს გაუქმდეს საპროცენტო განაკვეთი წინასწარ აღებულ პენსიებზე და პენსიონერებზე გაცემულ სესხებზე და გახდეს 0% და ეს სესხის გაცემისთვის დადგენილი მომსახურეობის ხარჯი დაფაროს სახელმწიფომ, საკმარისი არის რამდენიც ამ 7 წლის განმავლობაში ამ კომერციულმა ვითომ სტრუქტურებმა ძარცვეს პენსიონერები. ეს შეეხოს არამარტო სამომავლო არამედ ყველა სესხს, რომელიც აღებულია“-განაცხადა გრიგოლ ვაშაძემ.

მისივე თქმით, ყველა პენსიონერს, რომელსაც ამ დრომდე პროცენტების სახით დიდი ოდენობის თანხა ჩამოეჭრა, უკან უნდა დაუბრუნდეს და აღნიშნული ფული იყოს გამოყოფილი ბიუჯეტიდან.

„ამის გაკეთება არის სასწრაფო, ზუსტად ამიტომ ერთიანი ნაციონალური მოძრაობა იწყებს ფართომასშტაბიან საპროტესტო აქციებს, მრავალფეროვანს, კანონმდებლობის და კონსტიტუციის ფარგლებში მაგრამ ძალიან მწვავეს და ვაიძულებთ რომ ეს დასახული ღონისძიებები აუცილებლად შესრულდეს, იმიტომ რომ ყველა ასაკის ქართველი, გარდა იმათი ვინც ჩაბუდებულები არიან ე.წ ხელისუფლებაში ფიზიკური განადგურების პირასაა სიღარიბისა და უპატრონობისგან “- განაცხადა გრიგოლ ვაშაძემ.