„მიმდინარეობს ზეწოლა ლაურა ღაჭავაზე... ქონებას გვართმევენ შსს, სასამართლო,სუსი“ - „ჩაინა ლილოს“ დირექტორი ხანძრის განზრახ გაჩენას არ გამორიცხავს

პოლიტიკა - 00:48, 07 Jun, 2019

1208

ქონებას გვართმევენ... პროკურატურა, სასამართლო, სუსია ყველაფრის თავი და თავი - ამის შესახებ „ჩაინა ლილო სითის“ დირექტორი აცხადებს. ზვიად ქირია არ გამორიცხავს, რომ ხანძარი განზრახ გააჩინეს. მისი თქმით, ხელისუფლების მაღალჩინოსნები მათ ქონებას არტმევენ, რადგან შპს ლილო სითის მფლობელი არის ლაურა ღაჭავა, ქირია ამბობს, რომ ლაურა ღაჭავა, რომელიც ძმებ კოდუების დედაა, მასზე მიმდინარეობს ზეწოლა. ის ვარაუდობს, რომ ზეწოლა მის შვილებთან დაკავშირებით ხორციელდება. არ გამორიცხავს, რომ ხანძარი მაღალჩინოსნებისგან იყოს პროვოცირებული.

„ბაზრობასაც აქვს პრობლემები, დივერსიასაც არ გამოვრიცხავ. ბაზრობის მფლობელებსაც აქვთ პრობლემები და ოპერატორებსაც. პრობლემებია მთავრობის მაღალჩინოსნებთან, რომლებიც ცდილობენ, რაღაც უმსგავსობას, როგორც ყველგან. ზოგადად ზეწოლა მთავრობის მხრიდან, პირადად ჩემზე არის. უმსგავსოებას ვუწოდებ იმ ზეწოლას, რაც ჩემზეა, მარტო ბაზრობასთან დაკავშირებით კი არა, ზოგადად. გვართმევენ ქონებას პროკურატურა, სასამართლო, შსს, სუსი თავი და თავია ყველაფრის. მოქალაქეები დაუცველები არიან, შპს ლილო სითის მფლობელი არის ლაურა ღაჭავა, ჩვენ ვუკეთებთ ოპერირებას... მას ბევრ რამეს ედავებიან და დიდი ზეწოლაა მასზე... მე ვიცი რომ მის ოჯახზე არის ბევრი ზეწოლა... მე უფრო მის შვილებს ვუკავშირებ. რას მოითხოვენ არ ვიცი, მაგრამ მისი შვილები ძმები კოდუები ცნობილი ადამიანები არიან და მე ამას ვუკავშირებ ზეწოლას. რამოდენიმე წელია ეს ზეწოლა, სერიოზულ ქონებაზეა საუარი. არ გამოვრციხავ რომ ეს მაღალჩინოსნების პროვოცირებული იყოს. ძალიან დიდი რაოდენობის ქონებაზეეა საუბარი. განდაგურებლია როგორც უძრავი ქონება, ისე მატერიალური ფასეულობა, რამდენიმე ასეულ კვადრატზეა ხანძარი.“ - აღნიშნა ქირიამ.

მისი თქმით, ხანძარი ლოკალიზებული იყო, თუმცა წყლის უქონლობის გამო, ისევ გაღვივდა.