სუს-ის ყოფილი მაღალჩინოსანი სოსო გოგაშვილი აცხადებს, რომ მის სოფელში სისხლის გუბეების დაყენება იგეგმებოდა და ამაში ის პანკისის სპეცოპერაციისას მოკლული თემირლან მაჩალიკაშვილის მამას, მალხაზ მაჩალიკაშვილს ადანაშაულებს.

„ეს ინფორმაცია, რომ არ გაეგოთ არავინ არ იცის რა მოხდებოდა, ჩვენ ჩავედით მთელი ოჯახი, ჩემი შვილები, შვილიშვილები... ის რაც სალოსის სპეცოპერაციისას პრევენცია გავაკეთეთ, ვერ მოახერხეს და ვერ დააყენეს სისხლის გუბეები თბილისის ცენტრში, უნდოდათ განეხორციელებინათ ჩემს სოფელში. მან დაგეგმა რა თქმა უნდა ეს მკვლელობა, საუბარია რომ ეს ტერაქტი არ იყო და ა.შ, რა მნიშვნელობა აქვს, ადამიანის სიცოცხლის ხელყოფასთან გვაქვს საქმე. იქამდე მას გაცხადებული ქონდა მუქარები, რომ ჩემს შვილებს და შვილიშვილებს გაანადგურებს.

გარდა იმისა რომ მან დავალება მისცა, თან ეუბნება რომ შენგან მეტი არაფერი არ მინდა, მხოლოდ დამიდგინე ის სასაფლაო და უხსნის დეტალურად რა სად უნდა ნახოს, შემდეგ ჩადიან სოფელში, ქირაობენ მანქანას, იქნება ამ მანქანის ჯიპიეს მონაცემები, სატელეფონო ანძები... ისინნი გაჩერდნენ სასაფლაოსთან, შემდეგ ჩემს სახლთან. შემდეგ ისინი ადგენენ ამ საფლავს და ჩამოდიან. როცა მას კითხვა დაუსვეს თავიდან უარყო, რომ არ ყოფილა ასეთი რაღაც, შემდეგ აღიარას, რომ კი მე მინდოდა, რომ ის საფლავზე პოლიტიკურად გამენადგურებინაო... თქვენ როგორ ფიქრობთ, როგორ უნდა მოხდეს ადამიანის განადგურება, თუ არა მისი ლიკვიდაციით? მოვიდოდა და შემაჩვენებდა, მაგას ის ყოველდღე აკეთებს...“- განაცხადა სოსო გოგაშვილმა ტვ პირველის ეთერში.