მაჩალიკაშვილები საქართველოს წინააღმდეგ - "თუ იქაც ივანიშვილის ხელები არ მიწვდება,სტრასბურგი თავის სიტყვას იტყვის"- შვილმოკლული მამა

პოლიტიკა - 13:21, 06 Jun, 2019

723

"მაჩალიკაშვილები საქართველოს წინააღმდეგ," - სპეცოპერაციის შედეგად ლიკვიდირებული თემირლან მაჩალიკაშვილის მშობლებმა სტრასბურგის სასამართლოში სარჩელი გაგზავნეს.

დოკუმენტი 800-გვერდისგან შედგება და მასში ძირითადი აქცენტი 2017 წლის დეკემბერში პანკისის ხეობაში სპეცოპერაციის არასწორ დაგეგმვაზე, ძალის გადამეტებასა და არაადამიანურ მოპყრობაზე კეთდება.

„მიგვაჩნია, რომ სახელმწიფომ სიცოცხლის უფლების ყველაზე ფუნდამენტური სტანდარტები დაარღვია. ეს არის სპეცოპერაციის დაგეგმვის დროს უფლების სტანდარტების უგულვებელყოფა და ძალადობის პრევენციისა და მინიმიზაციისთვის სათანადო ზომების არ მიღება. პრობლემაა თავად ძალის გამოყენება და რაც ყველაზე მთავარია, არაეფექტური გამოძიება,“- განაცხადა EMC ადვოკატმა, თამთა მიქელაძემ.

მალხაზ მაჩალიკაშვილი სამართლიანობის აღდგესნას ახლა უკვე ევროპის ადამიანის უფლებათა დაცვის სასამართლოსგან ითხოვს.

„რაც უნდა ილაპარაკოს და როგორც უნდა იფართხალოს სახელმწიფომ, ეს საქმე სტრასბურგში წავიდა. გარდა ამისა, თუ სამყაროში კიდევ არსებობს დღეს რამე, ყველაფერს გავაკეთებ ამ სისტემის გასანადგურებლად, იმ ადამიანების დასასჯელად, ვისაც ჩემი შვილის სისხლში ურევია ხელები. მოლოდინი მაქვს, რომ სტრასბურგი თავის სიტყვას იტყვის, თუ იქაც ივანიშვილის ხელები არ მიწვდება,“- განაცხადა მალხაზ მაჩალიკაშვილმა.