"ივანიშვილი გვეუბნება ხალხის ხარჯზე 2024 წლამდე კიდევ მაბაირამეთ, მოგვაგებინეთ, მაგრამ ჩვენ ვეუბნებით არას"- გიგი უგულავა

პოლიტიკა - 12:40, 06 Jun, 2019

759

ქორთიარდ მერიოტში, 20 ოპოზიციური პარტიის ლიდერთა შეხვედრა მიმდინარეობს, რომლზეც საარჩევნო სისტემის ცვლილებისთვის საჭირო 200 ათასი ხელმოწერის პრეზენტაცია მოხდება. „ევროპული საქართველოს“ ლიდერის გიგი უგულავას თქმით, პროპორციული არჩევნები იქნება ერთადერთი გამოსავალი რომ პარლამენტის მიმართ იყოს ნდობა, ამისთვის კი საჭიროა საკონსტიტუციო ცვლილებები გახორციელდეს, რისთვისაც ოპოზიციამ დადგენილ ნორმაზე მეტი ხელმოწერები უკვე შეაგროვა:

„ბიძინა ივანიშვილი გვეუბნება ხალხის ხარჯზე 2024 წლამდე კიდევ მაბაირამეთ, მოგვაგებინეთ, მაგრამ ჩვენ ვეუბნებით არას. ის რაც წერია კონსტიტუციაში უნდა განხორციელდეს 2020წელს, ჩვენ უკვე შევაგროვეთ 300 000-ზე მეტი ხელმოწერა და ეს პროცესი გაგრძელდება. ამ პროცედურების დასაწყებად საკმარისია 200 000 ხელმოწერა, ამიტომ ჩვენ დავიწყებთ საპარლამენტო პროცედურებს რომელიც საკმაოდ გრძელი პროცედურაა, ჩვენი ამოცანაა კანონით დადგენილი პროცედურა გავლილი იყოს როდესაც დადგება ის მომენტი, როცა ხელისუფლება იძულებული გახდება წამოვიდეს პროპორციულ სისტემაზე ყველაფერი სამართლებრივად იყოს მოწესრიგებული. პროპორციული არჩევნები იქნება ერთადერთი გამოსავალი რომ პარლამენტის მიმართ იყოს ნდობა.“- განაცხადა გიგი უგულავამ.