"ჩვენი მიზანია საქართველოს მილიონი მოქალაქის ხელმოწერა და ამომრჩევლის ხმა მივაწვდინოთ ხელისუფლებას სამართლიანი საარჩევნო სისტემის შესაქმნელად"

"ჩვენი მიზანია საქართველოს მილიონი მოქალაქის ხელმოწერა და ამომრჩევლის ხმა მივაწვდინოთ ხელისუფლებას სამართლიანი საარჩევნო სისტემის შესაქმნელად" - კაციტაძე

პოლიტიკა - 11:57, 06 Jun, 2019

807

ქორთიარდ მერიოტში, 20 ოპოზიციური პარტიის ლიდერთა შეხვედრა იმართება, რომლზეც საარჩევნო სისტემის ცვლილებისთვის საჭირო 200 ათასი ხელმოწერის პრეზენტაცია მოხდება. შეხვედრის დაწყებამდე, „ახალი მემარჯვენეების“ ლიდერმა მამუკა კაციტაძემ განაცხადა, რომ ამ კამპანიის მთავარი მიზანი არის 2020 არჩევნების სამართლიანი სისტემით ჩატარება:

„როგორც ცნობილია საზოგადოებისთვის 20-მა პოლიტიკურმა პარტიამ და შესაბამისმა საინიციატივო ჯგუფმა თებერვლის თვეში პარლამენტს მიმართა საკონსტიტუციო ცვლილებასთან დაკავშირებით, საკონსტიტუციო ცვლილების შინაარსი არის მაჟორიტარული სისტემის გაუქმება და 2020 არჩევნების სამართლიანი სისტემით ჩატარება, კამპანიის სახელწოდებაა და ჩვენი მიზანია, რომ საქართველოს მილიონი მოქალაქის ხელმოწერა მივაწოდოთ ხელისუფლებას და საკუთარი ამომრჩევლის, მოქალაქეების ხმა მივაწვდინოთ, სამართლიანი საარჩევნო სისტემის შესაქმნელად. ჩვენ ამისათვის გვქონდა 4 თვე და 200 ათასი ხელმოწერის შეგროვების ვალდებულება. ჩვენ 3 თვეში შევაგროვეთ 300 ათასამდე ხელმოწერა, მაგრამ კამპანია მილიონი ხელმოწერისათვის გრძელდება, იმდენად რამდენადაც, მას შემდეგ რაც პარლამენტში წარვადგენთ ამ ხელმოწერებს იწყება ერთთვიანი საერთო საჯარო განხილვა, შემდეგ საკომიტეტო და საპარლამენტო მოსმენები, სანამ კანონპროექტი სესიაზე განხილვამდე მივა ჩვენ ამ კამპანიას ვაგრძელებთ, რაც შეეხება ბოლო რიცხვს რაც იქნება, იქნება ის რაც დავაანონსეთ ინიციატივის დაყენებისთანავე.“- განაცხადა მამუკა კაციტაძემ.