მოსამართლის მიერ "კოპი-პეისტით" გადაწერილი სამოტივაციო წერილი - საქალაქო სასამართლომ ბაჩანა შენგელიას სარჩელის განხილვაზე უარი თქვა

პოლიტიკა - 09:38, 06 Jun, 2019

829

ია კერზაიას მიმართ პოლიტიკური დისკრიმინაციის დადგენასა და მისი გარდაცვალებით გამოწვეული მორალური ზიანის სიმბოლურ ანაზღაურება - თბილისის საქალაქო სასამართლომ ბაჩანა შენგელიას სარჩელის განხილვაზე უარი თქვა.

ბაჩანა შენგელია ამბობს, რომ მოსამართლე გიორგი გოგიჩაშვილმა და ადმინისტრაციული კოლეგიის მოსამართლე თამარ ოქროპირიძემ სამოტივაციო წერილი შეთანხმებულად დაწერეს და ამას დოკუმენტიც ადასტურებს.

„ვითხოვდი მორალური ზიანის სიმბოლური თანხით, ერთი ლარით ანაზღაურებას ასევე პოლიტიკური დისკრიმინაციის დადგენას ია კერზაიას მიმართ. სასამართლომ, კერძოდ კი გიორგი გოგიჩაშვილმა მიიღო აბსოლუტურად ანტიკონსტიტუციური და ყველანაირი კანონის დარღვევით გადაწყვეტილება. "კოპი-პეისტით" ერთმა მოსამართლემ ადმინისტრაციულის მოსამართლისგან პირდაპირ გადაიტანა თავის დასაბუთებაში, ეს უკანონო და არაკონსტიტუციურია“-ამბობს შენგელია.

მისი თქმით, მოსამართლემ მას სასამართლოს უფლება წაართვა.

"ორ სხვადასხვა სასამართლოს, მთელი სამოტივაციო ნაწილის ძირითადი მონაკვეთი აქვთ იდენტური. ბრჭყალებიც კი არ არის ამოღებული. უბრალოდ ერთ-შემთხვევაში დამატებულია ორად ორი სიტყვა - "სასამართლო განმარტავს". სასამართლო სისტემა - სამოქალაქო და ადმინიტრაციული შეთანხმებულად, სარჩელის განხილვაზე მეუბნება უარს. ალბათ ამ სქემას სასამართლოს თავმჯდომარეც ხელმძღვანელობს.

რაც მნიშვნელოვანია, ოროვე მოსამართლეს, გოგიჩაშვილსა და ოქროპირიძეს განაცხადი აქვთ შეტანილი უზემაესი სასამართლოს მოსამართლეობაზე. დროგორც ჩანს ისინი, ასეთი გადაწყვეტილებით აპირებენ თავი მოაწონონ ხელმძღვანელობას"- განაცხადა შენგელიამ "ნიუპოსტთან".

გარდაცვლილი დირექტორის შვილი ამბობს, რომ ის საქმე სტრასბურგში გააგზავნის და ამასთან მოუწოდებს არასამთავრობო ორგანიზაციებს, რომ საქალაქო სასამართლოს მიერ მიღებული გადაწყვეტილებით დაინტერესდნან.