"ვხსნით ყველა კარტს... ჩვენების შესაცვლელად დაკავებულის ბიძა მოგვიგზავნეს" - კალანდიას ოჯახი ხორავას ქუჩის საქმეზე ალაპარაკდა

პოლიტიკა - 15:02, 05 Jun, 2019

16742

ხორავას ქუჩაზე მომხდარი მკვლელობისთვის დაკავებული მიხეილ კალანდიას ოჯახი ხელისუფლების წინააღმდეგ - რამდენიმე წუთის წინ, დაკავებულის მამამ, თენგიზ კალანდიამ "ნიუპოსტს" განუცხადა, რომ მოზარდების მკვლელობის შემდეგ, 2017 წლის 3 დეკემბერს, სამმართველოში მიყვანილებს შს მაღალჩინოსნები ფიზიკურად გაუსწორდნენ და ხელი ძალადობით მოაწერინეს ჩვენებაზე.

ოჯახი, მიხეილ კალანდიას დაკავების შემდეგ ყველა კარტის გახსნით იმუქრებიან და რეზონანსული საქმის ირგვლივ დღემდე უცნობ დეტალებს ყვებიან.

ბრალდებულის ძმა, ლუკა კალანდია აცხადებს, რომ მიხეილ კალანდიას ჩვენება მერაბ მორჩაძემ შეაცვლევინა. მისი თქმით, მორჩაძე 2017 წლის დეკემბრის დასაწყისში ივანე ნაკაიძემ მიაგზავნა, რომელიც ერთ-ერთი დაკავებულის, უკვე მსჯავრდებულის გ.ჯ.-ს ბიძა და ბიძინა ივანიშვილთან დაახლოებული პირი.

„ეს პიროვნება არის ერთ-ერთის დაკავებულის ბიძა, რომელიც საკმაოდ გავლენიანი ადამიანია და, ალბათ, მათი ინტერესიცაა. იქიდან გამომდინარე, ვამბობ მე ამას, რომ მათ მოგვიგზავნეს, ვითომდა, ჩვენი ნათესავი ადამიანი სახლში იმ მიზნით, რომ მიხეილს შეეცვალა ჩვენება და ჩვეულებრივად განახორციელა ზეწოლა, რის შედეგადაც მიხეილმა მერე ჩვენება შეცვალა. მერაბ მორჩაძე მოვიდა და გვითხრა, რომ ერთ-ერთი დაკავებულის ოჯახის ბავშვობის მეგობარი და ახლობელი იყო. ჩვენ ახლა ვხსნით ყველა კარტს, რაც აქამდე არ გაგვიხსნია, რაზეც აქამდე ჩუმად ვიყავით,“ - განაცხადა ლუკა კალანდიამ.