"ერთმანეთი გაიცნეს..."- ზალკალიანი ბახტაძისა და ზელენსკის შეხვედრას ადასტურებს

პოლიტიკა - 13:02, 05 Jun, 2019

1129

საქართველოს პრემიერ მინისტრის მამუკა ბახტაძისა და უკრაინის ახლად არჩელი პრეზიდენტის ვოლოდიმირ ზელენსკის შეხვედრის შესახებ საგარეო საქმეთა მინისტრი დავით ზალკალიანი განმარტებას აკეთებს. ზალკალიანმა დაადასტურა, რომ გუშინ ბრიუსელში მოულოდნელად ჩასულ პრემიერ ბახტაძეს უკრაინის პრეზიდენტთან პირადი კომუნიკაცია ჰქონდა.

„რაც შეეხება ბრიუსელში გაჩერებას, ეს იყო ბოლო წუთს გადაწყვეტილი, რადგანაც ჩვენმა მეგობარმა, მამუკა ბახტაძის პირადმა მეგობარმა და საქართველოს დიდმა მეგობარმა გორდონ სონლანდმა, რომელიც გახლავთ აშშ-ის საგანგებო და სრულუფლებიანი ელჩი ევროკავშირში, გამართა მიღება ბრიუსელში. მიღება მიძღვნილი იყო აშშ-ს დამოუკიდებლობის დღისადმი და, რადგანაც ის მიემგზავრება, გადმოიტანა ერთი თვით ადრე. ბოლო მომენტში კი, მოხდა შეთანხმება, რომ ბრიუსელის გავლით და ამ მიღებაზე დასწრების შემდეგ პრემიერი გამეგზავრებოდა აშშ-ში. არანაირი სხვა შეხვედრა არ ყოფილა ამ მიღების დროს. ბუნებრივია, იქ იყო ძალიან ბევრი მაღალი რანგის სტუმრები სხვადასხვა ქვეყნიდან, სადაც პრემიერ-მინისტრს ჰქონდა შესაძლებლობა, მათთან კომუნიკაციის, მათ შორის ვლადიმირ ზელენკსისთან, მაგრამ ამას არ შეიძლება, ვუწოდოთ ოფიციალური შეხვედრა ან მოლაპარაკებები. ასეთი რამ არ ხდება ბუნებაში, დიპლომატიური პრაქტიკა არ იცნობს მსგავსი ფორმატის ფარგლებში ოფიციალურ მოლაპარაკებებს“, - განმარტა ზალკალიანმა ჟურნალისტებთნ შეხვედრისას.

როგორც საგარეო საქმეთა მინისტრმა განმარტა, ბახტაძისა და ზელენსკის შეხვედრას გაცნობითი ხასიათი ჰქონდა.

„ეს დაადასტურა კიდეც უკრაინის პრეზიდენტმა ვლადიმირ ზელენსკიმ. მათ ერთმანეთი გაიცნეს, ეს იყო და ეს. არანაირ თემებზე იქ საუბარი არც ხდება, არასერიოზულილია, რომ ასეთ მიღებების დროს მნიშვნელოვან თემებზე იყოს საუბარი. ეს დღის წესრიგში საერთოდ არ იდგა და არც დგას“,- განაცხადა ზალკალიანმა.

როგორც უკრაინის პრეზიდენტმა, ვლადიმირ ზელენსკიმ გუშინ,ბრიუსელში ყოფნნისას ჟრნალისტებთან განაცხადა, ბახტაძე კარგი ადამიანია, მასთან საქართველოსა და უკრაინის საკითხზე ისაუბრა, ბოლოს კი ტელეფონის ნომრებიც გაცვალეს.