ბიზნესმენების საიდუმლო შეხვედრები შუშის სასახლებში

ბიზნესმენების საიდუმლო შეხვედრები შუშის სასახლებში - რა გეგმას ამუშავებს ივანიშვილი

პოლიტიკა - 13:56, 05 Jun, 2019

3507

„ოცნებას“ კრიტიკული დღეები უდგას. სამთავრობო კულუარებიდან "ნიუპოსტისთვის" ცნობილი ხდება, რომ ბიძინა ივანიშვილს იმედი ჰქონდა, დასავლეთთან ურთიერთობას დაალაგებდა და საქართველოს, როგორც შპს-ს მართვას გააგრძელებდა. თუნცა, ჯერ საპრეზიდენტო და შემდეგ შუალედურმა არჩევნებმა, მსოფლიოს გავლენიან პოლიტიკური წრეები საბოლოოდ დაარწმუნა, რომ თუ „ოცნება“ ხელისუფლებაში კიდევ რამდენიმე ხნით დარჩება, ეს იმის ნიშანი იქნება, რომ იმ მსოფლიო პროექტებს, რომლებიც საქართველოში ათეული წელია ხორციელდება, პრობლემები შეექმნება და ამით დასავლეთმა მარტო საქართველოს კი არა, არამედ, შესაძლოა, მთელი ამიერკავკასია დაკარგოს, რაც იმას ნიშნავს, რომ თბილისის თავზე რუსული დროშა აფრიალდეს.

რა უნდა მოიმოქმედოს ივანიშვილის გუნდმა შემოდგომამდე ისეთი, რითიც უცხოელი პარტნიორების გულს მოიგებს, ამის შესახებ საუბარი მმართველი ელიტის წარმომადგენლებსაც უჭირთ, თუმცა როგორც ჩვენი წყაროები გვეუბნებიან, გადაწყდა, რომ ხალხის თვალის ასახვევად, „ოცნებამ“ ფართომასშტაბიანი დაჭერები დაიწყოს და ამით ქვეყანაში სამართლიალობის ილუზია შექმნას.
„ზუსტად ამ კონტექსტში უნდა განვიხილოთ ბათუმის ყოფილი მერის, ერმაკოვის და მისი კლანის დაჭერა. ასევე, ხორავას ქუჩის მკვლელობაზე მიხეილ კალანდიასთვის ბრალიც წაყენებაც. ამას გარდა, შემოდგომამდე ივანიშვილი ვა-ბანკზე წავა და თავისი გარემოცვის მოქმედ და ყოფილ წევრებსაც გაწირავს. მაგალითად, უკვე აქტიურად მიდის იმის შესახებ მსჯელობა, რომ ყოფილი პრემიერი, გიორგი კვირიკაშვილი, მინიმუმ, დაკითხვაზე დაიბარონ, მაგრამ თუ ამ ყველაფრით საზოგადოებაში „ოცნების“ მიმართ ჭარბი ნდობა არ აღდგება, მაშინ სხვა გეგმაც მუშავდება“, - უყვება სამთავრობო წყარო „ნიუპოსტს“.

ერთ-ერთი სათადარიგო გეგმა ვადამდელი საპარლამენტო არჩევნებია, რომელზეც "ნიუპოსტი" რამდენიმე ხინ წინაც წერდა. მიიღებს თუ არა ივანიშვილი ვადამდელის გადაწყვეტილებას, ამას დრო გვიჩვენებს, თუმცა „ოცნებაში“ ფარული მზადება უკვე დაწყებულია, ანუ პარტიის ყულაბაში საარჩევნო ფულის მობილიზება ხდება. ამასთან, ჩვენ გვეუბნებიან, რომ ბოლო დროს შუშის სასახლეში მსხვილ ბიზნესმენებს იბარებებ და ღამეულ შეხვედრებზე მათ კომუნიკაცია უშუალოდ ივანიშვილთან აქვთ, თუმცა კონკრეტულად რის შესახებ მიდის მსჯელობა დახურულ შეხვედრებზე, უცნობია. სავარაუდოდ, ბიზნესმენებს ეუბნებიან, რომ „ოცნებას“ ფინანსურად უნდა დაეხმარონ.