მას შემდეგ რაც ლგბტ აქტივისტი გიორგი თაბაგარი ტვიტერზე თბილისი პრაიდთან დაკავშირებით შსს-ს განცხადებას გამოეხმაურა. ევროპარლამენტისა და ევროპის საბჭოს საპარლამენტო ასამბლეის თანაპრეზიდენტი რებეკა ჰარმსი თბილისი პრაიდთან დაკავშირებით მთავრობისა და პარლამენტის პოზიციით დაინტერესდა. ჰარმსმა თაბაგარის ტვიტი გაიზიარა და დაწერა, რომ მისთვის დაუჯერებელია, მთავრობისა და პარლამენტის მსგავსი პოზიცია და ტვიტში საქართველოს პარლამენტის ევროპასთან ინტეგრაციის კომიტეტის თავმჯდომარე თამარ ხულორდავა მონიშნა. ჰარმსის ტვიტს გამოეხმაურა თამარ ხულორდავაც და ევროპარლამენტარს ინფორმაციის გადამოწმება ურჩია.

"შინაგან საქმეთა სამინისტრომ თქვა, რომ მათთვის შეუძლებელია უზრუნველყონ თბილისი პრაიდის მშვიდობიანად გამართვა. შვიდ წელში პირველად მთავრობამ სერიოზულად დაიხია უკან ლგბტქი პირების უფლებების დაცვის მიმართულებით.“- დაწერა გიორგი თაბაგარმა.

„დაუჯერებელია, რომ ეს საქართველოს მთავრობის და პარლამენტის პოზიციაა“ - დაწერა რებეკა ჰარმსმა.

"რას გულისხმობთ? შეშფოთების მიზეზი არ არსებობს. გთხოვთ, გადაამოწმეთ ინფორმაცია. მსგავსი ტიპის კომენტარები აზიანებს ქვეყნის იმიჯს და ვნებს დემოკრატიას.“- დაწერა თამარ ხულორდავამ.

შსს-ს განცხადება აღნიშნულ თემაზე:

"თბილისი პრაიდის" ორგანიზატორებს განვუმარტეთ, რომ დაგეგმილ ადგილებზე ღონისძიებების ჩატარება შეუძლებელია

ომბუდსმენის გამოხმაურება თბილისი პრაიდთან დაკავშირებით შსს-ს განცხადებაზე

საქართველოს შინაგან საქმეთა სამინისტროს მიერ გავრცელებული ზოგადი განცხადება, სამწუხაროდ, ვერ იქნება მიჩნეული დასაბუთებულ გადაწყვეტილებად.