"დედამიწას არ ვიცი, მაგრამ სამეგრელოს შეიძლება დავარტყათ წრე "- გუბერნატორი დახარჯულ საწვავზე

პოლიტიკა - 12:06, 04 Jun, 2019

1109

სამეგრელო-ზემო სვანეთის გუბერნატორის ალექსანდრე მოწერელია ირწმუნება, რომ ბენზინთან დაკავშირებით არანაირი გადახარჯვა არ აქვს.

გუბერნატორი ინფორმაციის თავისუფლების ინსტიტუტის ( IDFI) კვლევას გამოეხმაურა.

"რას ეყრდნობოდა ეს კვლევა ჩემთვის ცნობილი არ არის. მე აქ მაქვს დოკუმენტი, რომლის მიხედვითაც მე არანაირი გადახარჯვა არ მაქვს, მათ შორის არც ჩემს წინამორბედს გადახარჯვა საწვავის არ აქვს. ამიტომ კარგი იქნება თუ უფრო დავაზუსტებთ და დიდი სიამოვნებით ვითანამშრომლებთ თქვენთან ერთად თუ კი არის ასეთი ფაქტი, რომ გამოიკვეთოს თუ რამე დარღვევა არსებობს.

აგერ არის ოფიციალური დოკუმენტი, ამ მონაცემების მიხედვით, არანაირ გადახარჯვაზე საუბარი არ შეიძლება. თუკი ჩვენ გვაქს შედარებით უფრო მეტი ხარჯი საწვავის ეს ბუნებრივიც არის, ვინაიდან ჩვენ დიდი რეგიონი ვართ, მაღალმთიანი ნაწილიც ძალიან დიდია ჩვენს რეგიონში. რაც შეეხება არასამუშაო დღეებს თქვენ შეგიძლიათ, ძალიან მარტივად ნახოთ, რომ შაბათ-კვირასაც კი მე ვიმყოფები ძალიან ხშირად ჩვენი რეგიონის სხვადასხვა სოფელში და ამდენად როგორ ითვლება ეს, რომ არასამუშაო დღეს მე გადახარჯვა მაქვს არ მაქვს ვერ მოგახსენებთ.

მე ვიცი, რომ ის ლიმიტი რაც მაქვს, იმაზე გაცილებით ნაკლები საწვავი მაქვს მოხმარებული. თქვენ შეგიძლიათ ნახოთ ეს დოკუმენტში... ჩემი დაინტერესების წყარო არის ოფიციალური დოკუმენტი, მე ვეყრდნობი ოფიციალურ დოკუმენტს, ეს დოკუმენტი აქ არის თქვენს წინაშე საჯაროდ წარმოდგენილი, საიდანაც შეგიძლიათ დარწმუნდეთ და დედამიწას ვინ რამდენჯერ დაარტყამს წრეს მე ვერ მოგახსენებთ მაგრამ, სამეგრელოს რეგიონს კი ბატონო შეიძლება წრე დავარტყათ." - განაცხადა გუბერნატორმა.

არასამთავრობო ორეგანიზაციის კვლევის თანახმად, სამეგრელო-ზემო სვანეთის გუბერნატორმა 2017-2018 წლებში ყველაზე მეტი საწვავი დახარჯა.