„ქალბატონო სალომე, ჩვენ ყველას, მთელ მსოფლიოს უნდა ვუთხრათ, თუ როგორი ლამაზია ჩვენი ქალაქი"

„ქალბატონო სალომე, ჩვენ ყველას, მთელ მსოფლიოს უნდა ვუთხრათ, თუ როგორი ლამაზია ჩვენი ქალაქი" - დედაქალაქის მერი პრეზიდენს

პოლიტიკა - 22:11, 03 Jun, 2019

978

თბილისში, ორბელიანის განახლებული მოედნის გაიხსნა. დედაქალაქის მერმა, კახა კალაძემ, მოქალაქეებს მიმართა და განაცხადა, რომ მოედნის რეაბილიტაციის შესახებ თვითმმართველობის არჩევნების დროს დაპირდა მოსახლეობას და პირობა შეასრულა.

"დღეს ვარ უბედნიერესი ადამიანი ჩემს თანაგუნდელებთან, იმ ადამიანებთან ერთად, ვინც 24 საათის განმავლობაში მუშაობდა, რათა ორბელიანის მოედანი, მისი მიმდებარე ქუჩები ყოფილიყო ლამაზი, კეთილმოწყობილი. მე ყოველთვის ვამბობ და ახლაც გავიმეორებ, რომ მარტო ერთი ადამიანი ვერაფერს ვერ გააკეთებს, თუ ზურგს არ უმაგრებს ძლიერი გუნდი. ზუსტად ამაშია ჩვენი სიძლიერე“,-აღნიშნა კახა კალაძემ.

დედაქალაქის მერმა ორბელიანის მოედნის გახსნაზე მყოფ საქართველოს პრეზიდენტსაც მიმართა.

„ქალბატონო სალომე, ჩვენ ყველას, მთელ მსოფლიოს უნდა ვუთხრათ, თუ როგორი ლამაზია ჩვენი ქალაქი, როგორი მომხიბვლელია უნიკალური შენობა-ნაგებობებით, ისტორიული ქუჩებით. ვინც ერთხელ მაინც სტუმრობს საქართველოს, ჩვენს დედაქალაქს, მეორედ და მესამედ აუცილებლად დაბრუნება. თქვენი როლი, რომ გავიტანოთ ჩვენი ქალაქის სახელი სხვადასხვა ქვეყანაში, არის ძალიან მნიშვნელოვანი“,-განაცხადა კახა კალაძემ.