„ძუნგლიანები ხართ!... გირგვლიანის და მოლაშვილის ცხედრებით მოეთრიეთ ხელისუფლებაში... რაფალიანცის საქმეზე დადეთ პასუხი და მაჩალიკაშვილს რომ შვილი ლოგინში ჩაუკალით...“

პოლიტიკა - 10:38, 03 Jun, 2019

2565

სანამ მოლაშვილი ცოცხალი იყო და ჩვენების მიცემა შეეძლო, რატომ არაფერი გააკეთეთ დამნაშავის დასადგენად...? ამაზრზენები ხართ... გირგვლიანის და მოლაშვილის ცხედრებზე ხართ მოსული ხელისულებაში... - ამის შესახებ ადვოკატი ლევან ჩხეიძე სოციალურ ქსელში წერს და ხელისუფლები მხრიდან შალვა შავგულიძის კრიტიკას პოსტით ეხმაურება.

„პოლიტიკურად გაკოტრებული და ბატონი ივანიშვილის ფოხშიშებზე ჩამოკიდებული ოცნება შალვა შავგულიძეს იმის გამო აკრიტიკებს, ბოკერიასთან ბლოკში როგორ შევიდა, ის ხომ სულხან მოლაშვილს აწამებდაო. ეხლა შევეცდები ნერვები მოვთოკო და არ გაგინოთ ისე როგორც ღირსები ხართ. თქვე კაი ხალხო, თუ იცით რომ ბოკერია მოლაშვილს აწამებდა, სანამ ის კაცი ცოცხალი იყო და ჩვენების მიცემა შეეძლო, რატომ არაფერი გააკეთეთ დამნაშავის დასადგენად და დასაკავებლად? მის სიკვდილს ელოდებოდით? ადვოკატს რომ დაეტაკეთ და მის საქმეზე განაჩენის გამომტანი მოსამართლეები უვადოდ რომ გაამწესეთ თანამდებობებზე და აქეთ გრძელი ენები გაქვთ გადმოყრილი, საერთოდ ნამუსი თუ გაქვთ? იცით საძაგლები ამაზრზენები და ძუნძგლიანები რატომ ხართ? იმიტომ რომ ფეზებზე გკიდიათ გირგვლიანიც, მოლაშვილიც და სხვაც და ამ ადამიანების ცხედრებით მოეთრიეთ ხელისუფლებაში და მათი ცხედრებით გინდათ კიდევ გაიხანგრძლივოთ იქ ყოფნა. ჰოდა როცა ვინმეზე ლაპარაკს დაიწყებთ, ჯერ რაფალიანცის საქმეზე დადეთ პასუხი რა მოხდა და მაჩალიკაშვილს შვილი რომ ლოგინში ჩაუკალით (განა ცოცხალი ,,ტერორისტის'' დაკავება უკეთესი არ იქნებოდა ინფორმაციის მოსაპოვებლად?) იმას გაეცით პასუხი და შავგულძის კაი კაცობაზე მერე ვილაპარაკოთ.“ - წერს ჩხეიძე.