ჯორჯ ბუშის ქუჩის გამწვანება - ოპოზიციის მტკიცებით 8 მილიონიანი ხელშეკრულება დაირღვა და სამუშაოები არ სრულდება

პოლიტიკა - 09:49, 03 Jun, 2019

864

თბილისის საკრებულოს ოპოზიციის განცხადებით თბილისის მერიასა და კომპანია ”გრინ სერვისს” შორის 17 მაისს გაფორმებული 8 მილიონიანი ხელშეკრულების პირობები დაირღვა. საქმე ეხება ჯორჯ ბუშის ქუჩაზე გამწვანებითი და მოწყობითი სამუშაოებს, რომელიც ამ დრომდე არ განახლებულა.

„ამ დოკუმენტით ირკვევა, რომ ის კომპანია, რომელთანაც ახალი ხელშეკრულება გააფორმეს, ახლა უკვე 8 მილიონ ლარამდე, თურმე 22 მაისს უნდა დაეწყო სამუშაოები, მაგრამ დღეს ორი ივნისია და არაფერი დაწყებული არ არის. ანუ როდესაც კახი ამბობს , რომ ის კომპანია ცუდად იქცეოდა და გავაგდეო, ამ ექვს თვეში ვერ მოვასწარით გაკეთება და ახლა უკვე გავაკეთებთო, ახალ კომპანიას ეს 8 მილიონი ლარი რომ მისცეს, ესეც ვერ აკეთებს, ვალდებულებებს ესეც ვერ ასრულებს.“- განაცხადა ხაბეიშვილმა.

თბილისის მერი კი ამ ინფორმაციას უარყოფს და აცხადებს, რომ კომპანია ნაკისრ ვალდებულებებს ასრულებს.

„ამ კონკრეტულ შემთხვევაშიც არანაირი პრობლემა არ იქნება. შეიძლება ხაბეიშვილს უნდოდეს, რომ ეს პროექტი ჩავარდეს და არ განხორციელდეს, მაგრამ აქ ეს არ გამოუვათ. სამუშაოებს ატარებს და ძალიან მალე იქნება დამთავრებული ყველანაირი სამუშაოები,“-განაცხადა კახა კალაძემ.