პარლამენტის თავმჯდომარის ინფორმაციით, ივნისში დაგეგმილია ვიზიტი აზებაიჯანში, სადაც დავით გარეჯის მოვლენებიც განიხილება. პარლამენტის თავმჯდომარე იმედოვნებს, რომ საქართველოს აზერბაიჯანელ კოლეგებთან ერთად პრობლემიდან გამოსავალს ნახავს.

"რა თქმა უნდა გასაგრძელებელია კონსულტაციები. ივნისის მესამე კვირაში ოფიციალური ვიზიტი მაქვს აზერბაიჯანში და იქაც, ბუნებრივია, განიხილება ეს საკითხი. დარწმუნებული ვარ, რომ საბოლოო ჯამში, აზერბაიჯანელ მეგობრებთან ერთად საუკეთესო გამოსავლის ნახვას შევძლებთ. არაფერი არ არის ისეთი, რაზეც არ შეიძლება მოლაპარაკება. მთავარია, სრული ძალისხმევა ჩავდოთ ამ პროცესში,"- განაცხადა კობახიძემ.