გამომცემელთა მსოფლიო ასოციაციის პრეზიდენტთან დაგეგმილი შეხვედრის ჩაშლასთან დაკავშირებით, კომენტარი განათლების, მეცნიერების, კულტურისა და სპორტის მინისტრის მოადგილემ, ლევან ხარატიშვილმა გააკეთა.
ხარატიშვილის თქმით, ორგანიზატორების არასწორი ინფორმაციის მოწოდების შედეგია, რაც მოხდა და ეს მიზანმიმართული ქმდება იყო.„ჩვენ შეშფოთებულები ვართ იმის გამო, რომ საფუძვლიანი ეჭვი გვაქვს იმასთან დაკავშირებით, რომ ხდება მიზანმიმართულად მუშაობა იმაზე, რომ აღნიშნული შეხვედრა არ ჩატარებულიყო და სასურველი მიზანიც იქნა მიღწეული. ჩვენ ვიყავით მზად იმისთვის, რომ უმაღლეს წარმომადგენლებთან ამ ორგანიზაციის გვქონოდა ძალიან დეტალური განხილვა იმ საკითხებისა, რომელიც ვთვლით, რომ არის ძალიან აქტუალური და ჩვენი სამინისტროსთვის განსაკუთრებული პრიორიტეტის მქონე. სამწუხაროდ, არ მოგვეცა ამის შესაძლებლობა. კიდევე ერთხელ გამოვხატავთ ჩენ მზაობას, ბუნებრივია, აღნიშნულ ორგანიზაციასთან შეხვედრის და იმ საკითხების განხილვის, რომელიც დღის წესრიგში გვქონდა გათვალისწინებული" - აღნიშნა მინისტრის მოადგილემ.
მასალის გამოყენების პირობები






