მწერლები და გამომცემლები განათლების მინისტრის მოადგილის გადადგომას ითხოვენ.

დღეს გამომცემელთა მსოფლიო ასოციაციის პრეზიდენტთან დაგეგმილ შეხვედრას, რომელსაც მიხეილ გიორგაძე უნდა დასწრებოდა უშედეგო აღმოჩნდა.

„შევესწარით ფაქტს, რომ მიშა გიორგაძე სამინისტროს შენობიდან გადიოდა, ჩვენ დავუძახეთ მას, რომ ჩვენ ვიყავით მასთან მისულები და შემთხვევით წასვლას ხომ არ აპირებდა, რაზეც შემდეგ რა თქმა უნდა, მოგვესალმა, გაეცნო ჩენს სტუმრებს და გვითხრა, რომ ის ჩვენ ვერ შეგვხვდებოდა, იმიტომ, რომ შეხვედრა ჰქონდა სომხეთის მინისტრთან, ვისთან შეხვედრის გამოც, ცოტა ხნით უფრო ადრე მიხეილ ბატიაშვილმაც ამ შეხვედრაზე უარი განაცხადა. რა თქმა უნდა, ჩვენ ძალიან გაგვიკვირდა და ვუთხარით, რომ მაშინ ჩვენ ვიყავით მასთან მოსული და ეს რანაირად იქნებოდა, რა მოხდებოდა და გვითხრა, რომ მგონი, თქვენ ხარატიშვილი, მეორე მოადგილე შეგხვდებათო, მგონი, რაზეც შემიძლია ვთქვა, რომ ჩვენი ერთადერთი რეაქცია, თუ შეგრძნება შეიძლება იყო ის, რომ ჩვენ ჩვენი ხელისუფლების ნამდვილად შეგვრცხვა" - აღნიშნა გვანცა ჯობავამ.